Izortz Zabala

Izortz Zabala
2005ean Astilleroko Banderako garaipena ospatzen
Bizitza
Jaiotza	Bermeo, 1967ko irailaren 21a (56 urte)
Herrialdea	Bizkaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	arraunlaria

Izortz Zabala Rodriguez (Bermeo, 1967ko irailaren 21a) 2000. hamarkadako traineru estropadetako patroi onenetakoa izan da, Kontxako 2 Bandera, 2 TKE Liga eta Espainiako 4 Txapelketa irabazi ditu besteak beste, guztiak Astillerorekin.

Kirol ibilbidea

1999an Urdaibai Arraun Elkarteak Mundaka, Bermeo eta Elantxobeko arraunlariez osatutako traineru indartsua osatu zuen eta bertan Asier Aregorekin batera Izortz Zabala hasi zen patroi. Urte pare bat egin zituen bertan baina 2001ean taldeak beraien artean haserretu eta Mundakak traineru bereizia atera zuen Izortz patroi zuela.

2003an TKE Liga sortzear zela Astilleroko San Jose XII trainerua gidatzeko eskeintza iritsi zitzaion eta 2005 artean Kantauri itsasoko trainerurik onena izan zen. Kontxako bi bandera eta bi Liga irabazi zituen ebsteak beste. 2005eko denboraldiko azken estropadan arraunlari batek ez zuten doping kontrola pasatu eta taldea Ligatik bota eta bi urtetan ez aritzeko zigorra jaso zuen Astillerok. 2006an beraz Ligatik kanpora zeuden estropadetan bakarrik egin ahal izan zuen arraun eta Kantabriako eta Espainiako txapelketak irabazi eta Kontxan bigarrena izan zen. Izortzek Astilleron eman zuen azken urtea izan zen eta arrauna uzteko erabakia hartu zuen.

2008an Popi Gonzálezek laguntza eskatu zion berak entrenatzen zuen Arkoterekin eta berriz TKE Ligara itzuli zen. Arkotek maila galdu zuen ordea. Hurrengo urtean Urdaibaien aritu zen berriro.

Hona hemen Izortz Zabalak gidaturiko elkarteen zerrenda:

Elkartea	Urteak
Urdaibai	1999-2000
Mundaka	2001
Astillero	2003-2006
Arkote	2008
Urdaibai	2009

Palmaresa

• Kontxako Banderak (2): 2003 eta 2004.
• Espainiako Traineru Txapelketak (4): 2003, 2004, 2005 eta 2006.
• TKE Ligak (2): 2003 eta 2005.
• Kantabriako Traineru Txapelketak (4): 2003, 2004, 2005 eta 2006.
• Bandera nagusiak:
  • Nerbioiko Sari Handia (1): 2003.
  • El Corte Ingles Bandera (1): 2005.
  • Zarauzko Ikurrina (1): 2003.

Ikus, gainera

• Urdaibai Arraun Elkartea
• Astillero
• Kontxako Bandera

• Datuak: Q16517754