Jamalia-Nenetsia

Koordenatuak: 67°15′N 74°40′E / 67.25°N 74.67°E / 67.25; 74.67
Wikipedia, Entziklopedia askea
Jamalia-Nenetsia
 Errusia
Ereserkia
Anthem of Yamalo-Nenets Autonomous Okrug (en) Itzuli
Administrazioa
Estatua Errusia
ISO 3166-2RU-YAN
HiriburuaSalekhard
eskualdeko burua (Errusia)aDmitry Kobylkin (en) Itzuli
Geografia
Koordenatuak67°15′N 74°40′E / 67.25°N 74.67°E / 67.25; 74.67
Azalera750,300 km²
MugakideakNenetsia, Komi, Khanti-Mansi eta Krasnoiarsk kraia
Demografia
Biztanleria547.010 (2021)
2.566 (2020)
Dentsitatea0,7 bizt/km²
Informazio gehigarria
Banaketa administratiboaBarruti autonomoa
Hizkuntza ofizialaerrusiera eta nenetsera
Ordu eremuaJekaterinburgeko ordua eta Asia/Yekaterinburg (en) Itzuli
Matrikula89
http://adm.yanao.ru/

Jamalia-Nenetsia edo Jamalia-Nenetsiako barruti autonomoa (errusieraz: Яма́ло-Не́нецкий автоно́мный о́кругtranslit.: Jamalo-Nenetski avtonomny okrug; nenetseraz: Ямалы-Ненёцие автономной ӈокрук) Errusiako subjektu federal bat da, barruti autonomoa zehazki, Uraletako Barruti Federalean kokatua eta administratiboki Tiumen oblastaren menpe dagoena. 750.300 km²ko eremua du, eta 2010ean 522.904 biztanle baino ez zituen[1] (0,7 biztanle km²ko dentsitatea). Hiriburua Salekhard da, eta hiri handienak Noiabrsk (110.620 biztanle[1]) eta Novi Urengoi (104.107 biztanle[1]).

Historia[aldatu | aldatu iturburu kodea]

1930. urteko abenduaren 10ean sortu zuten Jamalia-Nenetsia barrutia.

Geografia[aldatu | aldatu iturburu kodea]

Barruti autonomoak Mendebaldeko Siberiako ordokiaren iparraldea hartzen du. Mendebaldean dauden iparrraldeko Uralak alde batera utzita, ordoki eskerga da, zingira zabalez eta tundraz estalirik dagoena. Oso klima gogorra dago[2].

Ekonomia[aldatu | aldatu iturburu kodea]

Jamalia-Nenetsian gas natural hobiak daude; izan ere, Errusiako bigarren gas-konpainia handienak, Novatekek, Salekharden dauka egoitza.

Biztanleria[aldatu | aldatu iturburu kodea]

Petrolio-ekoizpenak eta industriak erakarrita, jatorri askotako kanpoko langile ugari joan dira Jamalia-Nenetsiara. Beraz, 2010eko erroldaren arabera, Nenets etniakoak biztanleria osoaren %5,9 ziren bakarrik. Beste jatorriren bateko biztanleak tatariarrak, ukrainarrak, errusiarrak (gehienak, %61,7), bielorrusiarrak, khantyak, azerbaijandarrak, baxkirrak, komi etniakoak eta moldaviarrak ziren, besteak beste[1].

1939ko errolda 1959ko errolda 1970eko errolda 1979ko errolda 1989ko errolda 2002ko errolda 2010eko errolda1
Nenetsak 13.454 (%29,3) 13.977 (%22,4) 17.538 (%21,9) 17.404 (%11,0) 20.917 (%4,2) 26.435 (%5,2) 29.772 (%5,9)
Khantyak 5.367 (%11,7) 5.519 (%8,9) 6.513 (%8,1) 6.466 (%4,1) 7.247 (%1,5) 8.760 (%1,7) 9.489 (%1,9)
Komiak 4.722 (%10,3) 4.866 (%7,8) 5.445 (%6,8) 5.642 (%3,6) 6.000 (%1,2) 6.177 (%1,2) 5.141 (%1,0)
Selkupak 87 (%0,2) 1.245 (%2,0) 1.710 (%2,1) 1.611 (%1,0) 1.530 (%0,3) 1.797 (%0,4) 1.988 (%0,4)
Errusiarrak 19.308 (%42,1) 27.789 (%44,6) 37.518 (%46,9) 93.750 (%59,0) 292.808 (%59,2) 298.359 (%58,8) 312.019 (%61,7)
Ukrainarrak 395 (%0,9) 1.921 (%3,1) 3.026 (%3,8) 15.721 (%9,9) 85.022 (%17,2) 66.080 (%13,0) 48.985 (%9,7)
Tatariarrak 1.636 (%3,6) 3.952 (%6,3) 4.653 (%5,8) 8.556 (%5,4) 26.431 (%5,3) 27.734 (%5,5) 28.509 (%5,6)
Besteak 871 (%1,9) 3.065 (%4,9) 3.574 (%4,5) 9.694 (%6,1) 54.889 (%11,1) 71.664 (%14,1) 74.625 (%14,3)
1 17.517 pertsona datu base administratiboetan erregistratu ziren talde etnikoa adierazi gabe. Multzo horretako banaketa etnikoa adierazi zutenena bezalakoa zela jo da.[1]

Bestalde, 2005. urteko datuen arabera, urte horretan 7.148 ume jaio ziren Jamalia-Nenetsian, eta 3.099 lagun hil ziren.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]