Jari Litmanen

Jari Litmanen
(2015) Irudi gehiago
Bizitza
Jaiotzako izen-deiturak	Jari Olavi Litmanen
Jaiotza	Lahti, 1971ko otsailaren 20a (54 urte)
Herrialdea	Finlandia
Familia
Aita	Olavi Litmanen
Hezkuntza
Hizkuntzak	finlandiera
Jarduerak
Jarduerak	futbolaria, color commentator (en) , aktorea eta documentary participant (en)
Ibilbidea Taldeak Urteak J G Finland national under-21 football team / Finland national under-17 football team / Reipas Lahti 1987 / 1990 86 28 Finlandiako futbol selekzio nazionala 1989 / 2010 137 32 Helsingin Jalkapalloklubi 1991 / 1991 27 16 MYPA 1992 / 1992 18 7 Amsterdamgo Ajax 1992 / 1999 159 91 Bartzelona Futbol Kluba 1999 / 2001 21 3 Liverpool Football Club 2001 / 2002 26 5 Amsterdamgo Ajax 2002 / 2004 20 5 FC Lahti 2004ko uztailaren 1a / 2004ko abenduaren 31 11 3 F.C. Hansa Rostock 2005eko urtarrilaren 27a / 2005eko uztailaren 1a 13 1 Malmö FF 2005eko uztailaren 1a / 2007 10 3 Fulham Football Club 2008ko urtarrilaren 31 / 2008ko abuztuaren 8a 0 0 FC Lahti 2008ko abuztuaren 8a / 2010 40 10 Helsingin Jalkapalloklubi 2011 / 2011 18 1
Posizio edo espezialitatea	erdilari erasotzailea bigarren aurrelaria
Pisua	76 kilogramo
Altuera	181 zentimetro
Jasotako sariak	ikusi AFC Ajax–player of the year  (1994) AFC Ajax–player of the year  (1999) Captain’s Ball  (2002) Hall of Fame of Finnish football Knight of the Order of the Lion of Finland  (2020)
Ezizena(k)	Litti eta Kuningas

Jari Olavi Litmanen (Lahti, Finlandia, 1971ko otsailaren 20a) futbolari ohia da. Finlandiako azken 50 urtetako futbol jokalari onena aukeratua izan zen. Litti (abizenarekin jokoa eginez) eta Kuningas (erregea) ezizenak jaso izan ditu.

Ibilbidea

Biografia

Futbolarien familia batean jaio zen Jari Litmanen. Aita Finlandiako selekzioarekin jokaturiko futbolaria zen eta amak Reipas taldearekin Finlandiako maila gorenean jokatu zuen.

Hasierako urteak Finlandian

Hamasei urte baino ez zituela egion zuen debuta Finlandiako maila gorenean jaioterriko Reipas taldearekin, 1987an. Lau urte beranduago Helsinki HJK taldeak fitxatu zuen.

Ajaxekin garaipen ugari

1992 urteko udan Amsterdamgo Ajax taldeak fitxatu zuen eta zazpi denboraldi egin zituen bertan. Herbehereetako ligak irabazteaz gain (1994-95 denboraldian partidarik galdu gabe) Txapeldunen Ligako bi final jokatu zituen jarraian, lehena irabaziz (1-0 AC Milanen aurka) eta bigarrena penalti jaurtiketetan galduz (Juventus FC-ren aurka). 1995ean Kontinente arteko Futbol Kopa irabazi zuen 0-0 egin ondoren penalti jaurtiketetan Grêmio de Porto Alegre garaituz. 1995-96 denboraldian Txapeldunen Ligako goleatzaile nagusia izan zen, 9 gol sartu zituelarik.

Bartzelona, Liverpool eta Ajax, zorterik gabe

Louis van Gaal entrenatzailea FC Barcelonan ari zen eta honen eskariz taldeak Litmanen fitxatu zuen. Bi denboraldi egin behar zituen bertan baina ez zuen askorik jokatu eta bigarren denboraldiaren erdialdera baztertua izan zen.

2000-01 denboraldiko urtarrilean Liverpool FC-k fitxatu zuen. Ongi hasi bazen ere lesionatu eta Liverpoolen urte bikaineko finaletan ezin izan zuen jokatu, esate baterako Deportivo Alavésen aurkako UEFA Kopako garaipenean. Ajaxera itzuli zen baina lesioekin jarraitu zuen.

Azken urteak

Azken urteetan talderik talde ibili zen. F.C. Hansa Rostock talde alemaniarra, Malmö FF suediarra eta Fulham ingelesa tartekatu zituen Finlandiako beste batzuekin. 2011 urtean erretiratu zen Helsinki HJK taldean.

Selekzio nazionala

1989 urtean egin zuen debuta eta 2010 urtean erretiratu zen. Bi hamarkada hauetan selekzioarekin partida gehien jokatu (137) eta gol gehien sartu (32) zituen jokalaria izan zen, oraindik gainditu ez diren markak dira.

Palmaresa

• Kontinente arteko Futbol Kopa:
  • Txapelduna (1): 1995 (Ajax)
• Txapeldunen Liga:
  • Txapelduna (1): 1994-95 (Ajax)
  • Finalista (1): 1995-96 (Ajax)
  • Goleatzaile nagusia (1): 1995-96 (Ajax)
• Europako Superkopa:
  • Txapelduna (2): 1995 (Ajax), 2001 (Liverpool)
• Ligak:
  • Herbehereetako liga (5): 1993-94, 1994-95, 1995-96, 1997-98, 2003-04 (Ajax)
  • Finlandiako liga (1): 2011 (Helsinki HJK)
• Kopak:
  • Herbehereetako kopa (3): 1993-94, 1997-98, 1998-99 (Ajax)
  • Herbehereetako Superkopa (3): 1993, 1994, 1995 (Ajax)
  • Finlandiako kopa (2): 1992 (MyPA), 2011 (Helsinki HJK)
  • Ingalaterrako kopa (1): 2000-01 (Liverpool)
  • Ingalaterrako Ligako kopa (1): 2000-01 (Liverpool)

Erreferentziak

• Datuak: Q209650
• Multimedia: Jari Litmanen / Q209650