Jean-Baptiste Say
| Jean-Baptiste Say | |
|---|---|
 | |
| Bizitza | |
| Jaiotza | Lyon, 1767ko urtarrilaren 5a |
| Herrialdea |  Frantzia |
| Heriotza | former 2nd arrondissement of Paris (en)  eta Paris, 1832ko azaroaren 14a (65 urte) |
| Hobiratze lekua | Père Lachaise hilerria Grave of Say (en) |
| Familia | |
| Aita | Jean-Étienne Say |
| Ama | Françoise Castanet |
| Seme-alabak | |
| Haurrideak | ikusi
|
| Leinua | Say family (en) |
| Hezkuntza | |
| Hizkuntzak | frantsesa |
| Jarduerak | |
| Jarduerak | ekonomialaria, industrialaria, kazetaria, itzultzailea eta idazlea |
| Enplegatzailea(k) | Conservatoire National des Arts et Métiers Collège de France (1831 - 1832) |
| Lan nabarmenak | ikusi
|
| Kidetza | Suediako Zientzien Errege Akademia Zientzien Errusiar Akademia Warsaw Society of Friends of Learning (en) |
  | |
Jean-Baptiste Say (Lyon, Frantzia, 1767ko urtarrilaren 5a - Paris, Frantzia, 1832ko azaroaren 15a) ekonomialaria izan zen. Enpresaburu jardun zuen, kotoigintzan, eta eguneroko lanean hartu zuen ekonomiarekiko zaletasuna. 1816. urtean ekonomiari buruzko eskolak ematen hasi zen. 1819. urtean, Conservatoire National des Arts et Métiers ikastetxean Industria Ekonomia sailaren ardura hartu zuen. 1831. urtean, berriz, Collège de France ikastetxeko Ekonomia Politikoko irakasle hautatu zuten.
Lanak
[aldatu | aldatu iturburu kodea]Argitaratu zituen obren artean nagusiak Traité d’économie politique (1803) eta Cours complet d’économie politique (1829) dira. Ekonomia teorian entrepeneur kontzeptua sartu zuen, eta oinarrizko ekoizpen bideak hirutan (lurra, lana eta kapitala) sailkatu zituen.
Hala ere, ezaguna da batik bat bere izena daraman merkatuei buruzko legearengandik. Lege horrek ez zuen ekonomia teorian izan duen eragina lortuko ez balitz izan Keynesen eta Eskola Klasikoaren arteko tirabira. Keynesen ustez, Eskola Klasikoaren huts handia zen Sayren legea beren makroekonomia teoriaren oinarrizko ideiatzat hartzea. Bada zalantzarik Sayk postulatu horrekin esan nahi zuenari buruz; Keynesen ustez, legeak, funtsean, hau dio: «ekoizten diren salgaien kopurua eta erositako salgaien kopurua berdinak dira»; bestela esanda, «eskaintzak bere eskaria sortzen du». Definizioz, beraz, ez litzateke inoiz izango baliabideen gutxiegizko erabilpenik. Legearen beste zenbait ikuspuntu funtsa handirik ez duten topikoak baizik ez dira: «truke orotan, badira eroslea eta saltzailea»; eta «salgai bat saldu bada, norbaitek erosi duelako», esaterako. Seguruenik, esanahi handieneko interpretazioa Keynesena da, baina oreka izateko baldintza gisa.
Sayren obren artean, aipatzekoak dira orobat Ricardo ingeles ekonomialariaren obren frantsesezko itzulpenak.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-03-23 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
| Autoritate kontrola |
|
|---|
Datuak: Q13513
Multimedia: Jean-Baptiste Say / Q13513