Jean Etchebarneren gerrako kaskoa

Jean Etchebarneren gerrako kaskoa
	borroka-kaskoa eta babes-ekipamendua
	Skip image slideshow Gerra kaskoa, Adrian modelokoa. Irudi gehiago
Fabrikazioa
Diseinatzailea	Louis Adrian
Historia
Sorrera	1916
Gatazka	Lehen Mundu Gerra
Jabea	Jean Etchebarne 1916-1956; Nafarroako Etnologia Museoa 2014-

Jean Etchebarneren gerrako kaskoa Lehen Mundu Gerran frantziar armadan soldadu ibilitako Jean Etchebarne euskal herritarraren kaskoa izan zen^[1].

Ezaugarriak

Kaskoa, altzairuz egindako Adrian modelokoa, frantziar armadan erabiltzen zen kaskoen eredua da. Jean Etchebarneri militar gisara zegokion nortasun-xafla darama soldatua, kate batekin zintzilik. Bertan armadan sartu zeneko urtea ageri da: 1916^[2].

Jean Etchebarne

Jean Etchebarne Zalgizen jaio zen 1896ko otsailaren 1ean^[3]. 1915ean, 19 urte besterik ez zituela, soldadu joateko deitua izan zen, nahiz eta ahuldade^[2] eta altuera^[3] arrazoiengatik hasiera batean baztertua izan.

Bigarren mailako soldadu gisa iritsi zen frontera 1916ko abuztuaren 22an, eta irailaren 2an Artilleriako 13. Erregimentuan jarri zuten. 1916ko urriaren 19an baimena eman zioten, baina abenduaren 22an ez zen bueltatu, eta urte horretako abenduaren 27n lehen desertzio horregatik atxilotze agindua egon zen^[3]. Donibane Garazin atxilotu eta gerrara bidali zuten berriro ere 1917ko otsailaren 20an. Azaroaren 25an berriro ere desagertu zen, eta azaroaren 29an desertore gisa sailkatu zuten, berriro ere. Parisko Gerra Kontseiluak bost urteko kartzela zigorra ezarri zion^[3].

1917ko negu hartan Pirinioak gurutzatu eta ia heltzeko zorian egon zen, baina euskaraz hitz egiten zuen nafar mugazain baten familiak aurkitu eta artatu zuen^[3]. Hortik Lizarraraino iritsi zen, non beste desertore batekin aurkitu zen, Lamaison abizenekoa. 1921ean, Argentinara joan zen: han, hamar urtez metalaren inguruko lanetan aritu zen. 1931an, Lizarrara itzuli zen eta bertan geratu, 1956an hil zen arte^[2].

Kokagune aldaketak

"Julio Caro Baroja" Nafarroako Etnologia Museoak dohaintzan jaso zuen Etchebarne sendiaren bidez. 2014an, Karlismoaren Museoan egindako "Un vecino de Estella en la Primera Guerra Mundial: Jean Etchebarne" izena zeraman erakusketan ikusgai egon zen^[2].

2015ean, Lehen Mundu Gerrako mendeurrenaren inguruan antolatutako erakusketa bat zela eta, Baionako Euskal Museoan egon zen ikusgai erakusketak iraun bitartean^[4] eta ondoren Nafarroako Etnologia Museora itzuli zuten.

Erreferentziak

↑ «Azkenaldian jasotakoak. Lehen Mundu Gerrako kaskoa - navarra.es» www.navarra.es (kontsulta data: 2025-03-17).
↑ ^a ^b ^c ^d (Gaztelaniaz) Estella, r aramendía. (2014-12-11). «El casco de la I Guerra Mundial que llegó a Estella» diariodenavarra.es (kontsulta data: 2025-03-17).
↑ ^a ^b ^c ^d ^e Larronde, Jean-Claude; Ribeton, Olivier. «La Grande Guerre, Bayonne et le Pays Basque» Bulletin du Musée Basque (Euskal Museoaren Adiskideak) 183.
↑ «El Museo Etnológico presta un casco de la Primera Guerra Mundial para una exposición en Bayona» www.navarra.es (kontsulta data: 2025-03-17).

Kanpo estekak

Datuak: Q133310883
Multimedia: Jean Etchebarne's war helmet / Q133310883

[1] «Azkenaldian jasotakoak. Lehen Mundu Gerrako kaskoa - navarra.es» www.navarra.es (kontsulta data: 2025-03-17).

[:0-2] (Gaztelaniaz) Estella, r aramendía. (2014-12-11). «El casco de la I Guerra Mundial que llegó a Estella» diariodenavarra.es (kontsulta data: 2025-03-17).

[:1-3] Larronde, Jean-Claude; Ribeton, Olivier. «La Grande Guerre, Bayonne et le Pays Basque» Bulletin du Musée Basque (Euskal Museoaren Adiskideak) 183.

[4] «El Museo Etnológico presta un casco de la Primera Guerra Mundial para una exposición en Bayona» www.navarra.es (kontsulta data: 2025-03-17).

[1]

[2]

[3]

[4]