Jesus Karrera

Jesus Karrera
Bizitza
Jaiotza	Hondarribia, 1911ko abuztuaren 17a
Herrialdea	Gipuzkoa, Euskal Herria
Heriotza	Alcalá de Henares, 1945eko urtarrilaren 16a (33 urte)
Heriotza modua	heriotza zigorra: su-arma bidezko exekuzioa
Hezkuntza
Hizkuntzak	gaztelania
Jarduerak
Jarduerak	sindikalista, militantea eta igeltseroa
Kidetza	Unión General de Trabajadores
Zerbitzu militarra
Adar militarra	Eusko Gudarostea
Parte hartutako gatazkak	Espainiako Gerra Zibila
Ideologia eta sinesmenak
Alderdi politikoa	Espainiako Alderdi Komunista

Jesus Karrera, jaiotzez Jesús Pablo Carrera Olaskoaga, (Hondarribia 1911ko abuztuaren 17a - Alcalá de Henares 1945eko urtarrilaren 16a) buruzagi politiko, sindikalista eta gudaria izan zen.

Ibilbidea

Igeltseroa zen lanbidez eta 20 urte zituela UGT sindikatuan kidetu zen, beranduago Alderdi Komunistan. Irungo gaztedi komunisten artean paper garrantzitsua izan zuen. SOV-UGT sindikatuaren buru izendatuta izan zen, Gipuzkoako zuzendaritza batzordeko bokala.

Gerra Zibila

Gerra hastean Gernikako Arbola batailoi komunistan sartu zen, miliziano gisa. 1937ko urtarrilean berriz, batailoiaren komandante bilakatu zen. Iparraldeko frontean jasandako porroten ondoren, Bartzelonan bukatu zuen 1938an, defentsa antiaereoan.

Ihesa eta artekari lanak

Frantziako hainbat kontzentrazio-esparruetatik pasa zen, Alderdi Komunistak handik erreskatatu arte. Baionan artekari gisa aritu zen, barneko Alderdi Komunistarekin harremanetan. Azkenik, 1941ean muga gurutzatu zuen eta barneko alderdiaren idazkari nagusia bilakatu zen.

Harrapaketa

1943an frankistek Carrera harrapatu zuten, bi alderdikiderekin batera. Ia bi urteko itxieran torturak jasan ondoren, 1945eko urtarrilean fusilatu zuten, Alcalá de Henaresen. Bere gorpua hiri horretan berean lurperatu zuten.

Exhumazioa

2018an Jesús Carreraren ondorengoek desobiratzea lortzeko tramiteak hasi zituzten. Hilabete batzuk geroago gorpua exhumatu eta Hondarribian lurperatu zuten.

Dokumentala

2024an Aitor Baztarrika Oka Jesus Karrerari buruzuko dokumentala egin zuen, Hondarribiko gorria.

Kanpo estekak

• (Gaztelaniaz) Memoria histórica Exhumados en Alcalá los restos del dirigente comunista vasco Jesús Carrera Olascoaga RTVE 2018-06-16
• (Gaztelaniaz) MEMORIA HISTORICA: JESUS CARRERA OLASCOAGA

• Datuak: Q105599592