Jesus Urra
| Jesus Urra | |
|---|---|
| Bizitza | |
| Jaiotza | Artatza, 1948ko urtarrilaren 13a |
| Herrialdea |  Nafarroa Garaia, Euskal Herria |
| Heriotza | 2024ko azaroaren 27a (76 urte) |
| Hezkuntza | |
| Heziketa | Iruñeko apaiztegia |
| Hizkuntzak | gaztelania euskara |
| Jarduerak | |
| Jarduerak | langilea eta politikaria |
| Enplegatzailea(k) | Super Ser |
| Sinesmenak eta ideologia | |
| Alderdi politikoa |  Batzarre |
Jesus Luis Urra Bidaurre (Artatza, Nafarroa Garaia, 1948ko urtarrilaren 13a - 2024ko azaroaren 27a) Nafarroa Garaiko politikari historikoa, Batzarre mugimenduko sortzaile eta partaidea izan zen. Nafarroako eragile politiko nabarmena izan da.[1]
Biografia
[aldatu | aldatu iturburu kodea]1948an Artatzan jaioa, Iruñeko Seminarioan Giza Zientziak ikasi ondoren, soziologia ikasi zuen Parisen. Nafarroa Garaira itzuli ondoren, ETA Berri, UNAI, Auzolan eta EMK taldeetan militatu zuen. Azken alderdi horretatik Batzarre sortu zuenetatik bat izan zen, «ezker euskaltzaletzat» jotzen zen alderdia, eta ezker abertzaletik gero eta urrunago zeuden jarrerak hartu zituen. Zentzu horretan ezaguna egin zen Batzarrek onartutako dokumentu bat «ETArekiko izan genuen jarrera onetsiari buruzko autokritika» egiten zena. Batzarreko kide gisa, Euskal Herritarrok eta Nafarroa Bai koalizioetan parte hartu zuen. Affna 36 elkarte memorialistaren bultzatzaileetako bat ere izan zen, 1936ko Nafarroako errepresio faxistaren errealitatea ezagutarazteko eta belaunaldi berriei transmititzeko lan egin duena.[2] Nafarroako fusilatuen omenez Parlamentuak 2003ko martxoaren 10ean onartu zuen adierazpen historikoaren kontalaria izan zen. 2020an bigarren plano batera pasa zen.
Politikaren esparrutik kanpo, Super Ser lantegian lan egin zuen, eta bertan Langile Komisioak sindikatuaren sorrera bultzatu zuen. Bere pasioak mendia eta irakurketa izan ziren.[3]
Hedabide desberdinen kolaboratzailea izan zen, tartean Hikan eta Diario de Noticiasen. 76 urterekin hil zen.
Erreferentziak
[aldatu | aldatu iturburu kodea]- ↑ https://www.berria.eus/euskal-herria/jesus-urra-hil-da-batzarreko-sortzaileetako-bat_2134246_102.html
- ↑ https://www.naiz.eus/eu/info/noticia/20241128/fallece-jesus-urra-uno-de-los-historicos-de-batzarre
- ↑ https://www.noticiasdenavarra.com/politica/2024/11/28/fallece-jesus-urra-padre-politico-batzarre-8987490.html
Kanpo estekak
[aldatu | aldatu iturburu kodea]- Heriotzaren berri Kerman Garralda Zubimendiren eskutik Berrian, 2024/11/28.
- (Gaztelaniaz):Jesus Urraren heriotzaren berri eta Batzarrek plazaratutako komunikatua.
| Autoritate kontrola |
|
|---|
Datuak: Q131350648