Jiří Wolker

Jiří Wolker
	; Irudi gehiago
Bizitza
Jaiotzako izen-deiturak	Jiří Karel Wolker
Jaiotza	Prostějov, 1900eko martxoaren 29a
Herrialdea	Txekoslovakia
Heriotza	Prostějov, 1924ko urtarrilaren 3a (23 urte)
Hobiratze lekua	Prostějov
Heriotza modua	berezko heriotza: tuberkulosia
Hezkuntza
Heziketa	Faculty of Law, Charles University in Prague (en)
Hizkuntzak	txekiera
Jarduerak
Jarduerak	itzultzailea, olerkaria, kazetaria, antzerkigilea, idazlea, prosalaria, antzerki-kritikaria eta literatura-kritikaria
Lantokia(k)	Prostějov
Lan nabarmenak	ikusi Host do domu (en) ; Těžká hodina (en) ;
Kidetza	Eskautismo
Ideologia eta sinesmenak
Alderdi politikoa	Txekoslovakiako Alderdi Komunista

Jiří Wolker (Prostějov, 1900eko martxoaren 29a – ibidem, 1924ko urtarrilaren 3a) txekiar olerkaria izan zen.

Wolker literaturaz interesatu zen bigarren hezkuntzan eta egunkarietan argitaratzen hasi zen. Graduatu ondoren Pragara joan zen Zuzenbidea ikastera eta, gainera, Pragako Unibertsitate Karolinoan arte ikasketak egin zituen. Aldizkarietan idatzi zuen eta Devětsil artisten abangoardiako elkartearekin bat egin zuen labur-labur. Jaroslav Seifert, Karel Tomen, Vítězslav Nezval eta Konstantin Biebl Devětsileko kideen laguna izan zen. Wolkerrek 1921ean Eliza Katolikoa utzi eta Txekoslovakiako Alderdi Komunistarekin bat egin zuen. Hogeita hiru urterekin hil zen tuberkulosiaren ondorioz.

Wolker poeta txekiar garrantzitsuenetako bat da. Bizirik zegoela, hiru liburu argitaratu zituen: Host do domu ('Etxeko ostalaria'), Svatý Kopeček eta Těžká hodina ('Ordu astuna'). Lehen liburuko poemek harmonia, gatazkarik eza, bizitzaren edertasuna, jendearenganako maitasuna eta eguneroko gauzak dituzte ezaugarri.

Wolkerrek, Karel Teigerekin batera, Proletářské umění (Arte proletarioa) mugimendu artistikoa sortu zuen. Gerrarekiko gorrotoa izan zuen ezaugarri, eta langile-klasearen zapalkuntza eta esplotazioa deskribatu zituen.

Wolkerrek maitagarrien ipuin ilunak eta lan erotikoak ere idatzi zituen, hil ondoren argitaratu zirenak.

Wolkerrek bere epitafioa idatzi zuen:

«	Hemen datza Jiří Wolker, mundua maitatu eta haren justiziaren aldeko borrokara joan zen poeta. Bihotza borrokarako prestatu baino lehen, gazte hil zen hogeita lau urte zituela.	»

Lanak

Host do domu (1921) – olerkiak
Svatý Kopeček (1921) – olerkiak
Proletářské umění (1922) – manifestu, Karel Teigerekin batera
Těžká hodina (1922) – olerkiak
Tři hry ('Hiru joko') (1923) – antzezlana
Do boje, lásko, leť (1923) – olerkiak, gutunak neskalagunari eta epitafioa

Datuak: Q158379
Multimedia: Jiří Wolker / Q158379