Jingtai lan
Wikipedia(e)tik
Qing dinastiako jingtai eskulana.
Jingtai lan (txineraz 景泰藍) Txinan, Ming dinastiaren garaian, 1450 inguruan sortu zen esmaltezko eskulan mota da. Kobrezko harien arteko uneetan esmalte urdina paratzen zuten, eta hortik izenaren bukaera (txineraz lan = urdina). Izenaren hasiera Jingtai enperadoreari dagokio, bere erregaldian ospetsu bihurtu baitzen. Gaur egun batik bat beste kolore bizi batzuk erabiltzen dituzte. Ontziak egiten dituzte eskuarki. Esmalteak finkatzeko behin eta berriz margotu eta erregosten dira eskulanak, tradizioaren arabera 7 aldiz.
Kloisone bezala ere ezaguna da.
Historia eta jatorria[aldatu | aldatu iturburu kodea]
Jingtai lan Ekialde Hurbilean sortu zen aspaldi. Bizantziar Inperioan barrena hedatu zen eta handik Zetaren Bidetik Txinaraino, egun gehien ekoizten duen herriraino.
