Joakin Madurga

Wikipedia, Entziklopedia askea
Jump to navigation Jump to search
Joakin Madurga
Bizitza
Izen osoa Joaquín Madurga Oteiza
Jaiotza Deikaztelu1938ko urtarrilaren  24a
Herrialdea  Nafarroa Garaia, Euskal Herria
Lehen hizkuntza gaztelania
Heriotza Logroño2017ko ekainaren  9a (79 urte)
Hezkuntza
Heziketa San Tomas Akinokoa Eliz-Unibertsitatea
Valentziako Unibertsitatea
Hizkuntzak gaztelania
Jarduerak
Jarduerak apaiz katolikoa eta musikagilea

Joakin Madurga Oteiza (Deikaztelu, Nafarroa, 1938ko urtarrilaren 24 - Logroño, 2017ko ekainaren 9) nafar apaiz, irakasle eta musikaria, oso ezaguna 1977tik Iruñeko Kontzejuaren Plazatik igarotzen den San Fermin Amienskoa prozesioan abesten den Jota de San Fermín abestiaren sortzailea bezala.

Biografia[aldatu | aldatu iturburu kodea]

10 urte zituela Iruñeko apaizgaitegian sartu zen; han ikasi zuen eta apaiza izateko formakuntza jaso zuen. 1961ko abenduaren 21ean ordenak hartu zituen. Erromako Pontificia Studiorum Universitas a Sancto Thoma Aquinate in Urbe unibertsitatean Filosofia ikasi zuen eta, ondoren, Valentziako Unibertsitatean Filosofia eta Letrak ikasketak egin zituen. Bolada bat Arguedasen eman ondoren, 1963tik, bere apaiz bizitza guztia Iruñeko Txantrea auzoko Done Jakue parrokian egon zen. Han, 1975an, Coral de Santiago (Done Jakue Abesbatza) sortu zuen; abesbatza horrekin disko batzuk grabatu zituen, gehienak musika erlijiosoarekin. 1978an elizaren erretore izendatu zuten. Txantreako urteetan ere, Iruñeko Seminarioan eta Virgen del Camino Lanbide Heziketaren ikastetxean klaseak eman zituen. Erabat inplikatu zen auzoko aktibitateetan eta "Auzotegi" kulturgunea eta Txantreako lehenengo Olentzeroren antolaketan parte hartu zuen. Politikan ere hartu zuen parte.[1]

1985an, bihotzeko arazoak zituela eta, elizako lana utzi behar izan zuen. Orduan, Madrilera bizitzera joan zen, komunitate erlijioso batera. Madrilen bere ikasketekin aurrera jarraitu zuen, bereziki Jesús Romo Raventós irakaslearekin. Azkenik Logroñora joan zen non San Pablo parrokian bosteko bat sortu zuen.[2] Han, 2017ko ekainaren 9an, hil zen.

Abesti ezagunenak[aldatu | aldatu iturburu kodea]

  • Jota de San Fermín
  • Himno de la Chantrea zortzikoa (1975), auzoaren 25. urtemuga ospatzeko.
  • Dicen que se muere el mar (1996),[3] Torreviejako Habaneren Nazioarteko Lehiaketan konposizio lehen saria.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]