Joana Pastrana

Wikipedia, Entziklopedia askea

 

Joana Pastrana

(2018)
Bizitza
JaiotzaMadril, 1990eko irailaren 29a (33 urte)
Herrialdea Espainia
Hezkuntza
Hizkuntzakgaztelania
Jarduerak
Jarduerakboxeolaria

Joana Pastrana (Madril, 1990eko irailaren 29a) madrildar boxeolari ohia da, eta, 2016. urtean, pisu gutxieneko Europako boxeo-txapelketa irabazi zuen historiako lehen emakumea izan zen. Titulua berriz lortu zuen 2017, 2020 eta 2021ean.[1][2][3][4][5] 2018ko ekainean lortu zuen pisu gutxienekoaren munduko IBF titulua.[6] 2021eko ekainaren 26an boxeo profesionaletik erretiratuko zela iragarri zuen, ordainsaria txikia baitzen.[7][5]

Ibilbidea[aldatu | aldatu iturburu kodea]

2013an, Pastrana amateur gisa hasi zen boxeatzen Madrilgo Txapelketan.[8] Profesional gisa debuta egin zuen 2016ko otsailaren 6an, Fuente el Saz de Jaramako Escuela Taurina jatetxean, eta bulgariar Ivana Yaneva boxeolariaren aurka irabazi zuen. Hala, Madrilgo Erkidegoko boxeolari profesional bakarra bihurtu zen, María Jesús Rosa Reinaren edo Soraya Sánchezen urratsen ondoren.[9]

Lehen urte horien ondoren, 2016. urtean pisu gutxieneko Europako Txapelketa irabazi zuen lehen boxeolaria izan zen. Porrot bakarra Boxeoko Mundu Kontseiluko Silver titulua (WBC) lortzen saiatu zenean izan zuen, bigarren txandan eskuineko eskuko metakarpianoa hautsi eta puntu bat galdu zuenean.[10] Lesio hori boxeotik kanpo egonarazi ziuen sei hilabetez.[11]

2017. urteko irailaren 22an, Pastrana Alcobendasko (Madril) José Caballero kiroldegian antolatutako txapelketan Judit Hachbold hungariarraren aurka irabazi ondoren, Europako titulua berrestea lortu zuen Espainiako lehen emakumezko boxeolaria izan zen.[12][13][14]

2018ko ekainean Oezlem Sahin boxeolaria garaitu zuen, eta munduko IBF titulua irabazi zuen. Hilabete batzuk geroago, 2019ko martxoaren 9an, aho batez, Ana 'La Bronca' Arrazaola mexikarra garaitu zuen Moralzarzalen (Madril), eta IBF munduko titulua mantendu zuen. Goizaldean, 2019ko abuztuaren 4tik 5erako ordu txikitan, IBFko txapeldun titulua galdu zuen Yokasta 'Yoka' Valle costaricarraren aurka (Marbella). Borrokaldiaren amaieran, 1. txandatik eskumuturreko lesio baten berri eman zuen.

2021eko ekainaren 26an Europako txapelduna izan zen laugarren aldiz, eta erretiratuko zela iragarri zuen.

Erretiratu ondoren, 2023an reality Traitors Españan parte hartu zuen, eta Leo Margets poker-jokalariarekin batera irabazi zuen.[15]

Aintzatespenak[aldatu | aldatu iturburu kodea]

  • 2018an, Madrilgo Udaleko Emakume Kirolarien I. Galan saritu egin zuten.[16]

Erreferentziak[aldatu | aldatu iturburu kodea]

  1. ↑ Joana Pastrana, de camarera a aspirante al campeonato mundial de boxeo. .
  2. ↑ cero, radio onda. Joana Pastrana, campeona de Europa de peso mínimo: "Mi madre está muy orgullosa, pero no puede ver mis combates". .
  3. ↑ AS, Diario. (18 de noviembre de 2017). Joana Pastrana se da un baño de masas antes de mirar al Mundial. .
  4. ↑ Deportes, Antena 3. (17 de octubre de 2020). Joana Pastrana, campeona de Europa por tercera vez tras vencer a Katy Díaz por decisión unánime. .
  5. ↑ a b Diario Marca. (26 de junio de 2021). Joana Pastrana se retira ganando el campeonato de Europa por cuarta vez. .
  6. ↑ Valero, M.. (23 de junio de 2018). Joana Pastrana hace historia: campeona del mundo del peso mínimo. .
  7. ↑ (Gaztelaniaz) SER, Cadena. (2021-05-25). «Se retira la boxeadora Joana Pastrana porque "la remuneración económica no es suficiente"» cadena SER (Noiz kontsultatua: 2023-06-01).
  8. ↑ La boxeadora Joana Pastrana está enganchada a los golpes. 13 de mayo de 2015.
  9. ↑ Jesús Mínguez. (11 de marzo de 2016). Joana Pastrana: “Me gusta la presión del ring”. .
  10. ↑ AS, Diario. (8 de octubre de 2016). Joana Pastrana roza la gloria con una mano rota | polideportivo | AS.com. .
  11. ↑ AS, Diario. (12 de marzo de 2017). Imperial Joana Pastrana en su regreso al cuadrilátero | polideportivo | AS.com. .
  12. ↑ Joana Pastrana gana por KO a Hachbold y retiene el título europeo - Marca.com. .
  13. ↑ Joana Pastrana vence con un K.O. eléctrico y luchará por el campeonato mundial. .
  14. ↑ AS, Diario. (19 de septiembre de 2017). Pastrana, la mejor de Europa. .
  15. ↑ https://www.elconfidencial.com/television/programas-tv/2022-12-20/traitors-espana-lista-concursantes-oficiales_3543184/
  16. ↑ Telemadrid. I Gala de Mujeres Deportistas, en Telemadrid. .

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Joana_Pastrana&oldid=9335447"(e)tik eskuratuta