Joanna Koerten

Wikipedia, Entziklopedia askea
Jump to navigation Jump to search
Joanna Koerten
Joanna Koerten op de kunsttroon detail.jpg
Bizitza
Jaiotza Amsterdam1650eko azaroaren  17a
Herrialdea  Herbehereak
Heriotza Amsterdam1715eko abenduaren  28a (65 urte)
Jarduerak
Jarduerak margolaria
Lantokia(k) Amsterdam

Joanna Koerten (Amsterdam, 1650eko azaroaren 17a - ib., 1715eko abenduaren 28a) margolari holandar bat izan zen; margolari eta marrazkilari izateaz gain grabatuak egiten zituen beiran eta argizaria modelatzen zuen. Paperezko siluetak mozten egin zen ezagun, arte diziplina honetan paperean moztutako siluetak jartzen dira kontrastea egiten duen koloretako fondo baten gainean. Bere bezeroen artean daude Petri I.a Errusiakoa, Frederiko Gilen I.a Brandenburgekoa, Johan de Witt eta Gilen III.a Ingalaterrakoa eta II.a Eskoziakoa.

Bizitza[aldatu | aldatu iturburu kodea]

Ehiza eszena bat erakusten duen obra. Jatorrizkoa Amsterdamgo Willet-Holthuysen museoan dago.

Jan Koerten eta Ytje Cardinaels-en alaba zen. Bere aita oihal merkataria zen eta Joannak urtebete zuenean hil zen, 1651ean. Ama 1659an berriz ezkondu zen Rosijn Zacharias-ekin, hau ere oihal merkataria. Joanna 1691ean ezkondu zen, 41 urte zituela eta bere ama eta aitaordea hil ondoren. Adrian Block zen bere senarra eta bera ere oihal merkataria zen. Ez zuten seme-alabarik izan.

Beste umeek ez bezala, gaztetatik bere inguruan ikusten zuena errepresentatzeko interesa agertu zuen. Artista moduan ezagun egin zen bere senarraren denda kanpoan lan eginez, gune hau berak egindako lanen galeria moduko bat zen.

1715eko abenduaren 28an hil zen, 65 urte zituela, eta Amsterdamgo Oudezijds Kaperan dago ehortzita.