John Henry Coates

Wikipedia, Entziklopedia askea
Jump to navigation Jump to search
John Henry Coates
John Coates.jpg
Bizitza
Jaiotza Hegoaldeko Gales Berria1945eko urtarrilaren  26a (74 urte)
Herrialdea  Australia
Hezkuntza
Heziketa Trinity College
Australian National University Itzuli
Tesi zuzendaria Alan Baker
Doktorego ikaslea(k) Andrew John Wiles
Pierre Colmez Itzuli
Susan Howson Itzuli
Hizkuntzak ingelesa
Jarduerak
Jarduerak matematikaria eta unibertsitateko irakaslea
Enplegatzailea(k) Harvard Unibertsitatea
Stanford Unibertsitatea
Jasotako sariak
Kidetza Royal Society
Academia Europaea Itzuli

John Henry Coates (Possum Brush, Hego Gales Berria, Australia, 1945eko urtarrilaren 26a) australiar matematikaria da.

Bizitza[aldatu | aldatu iturburu kodea]

Australiako Unibertsitate Nazionalean egin zituen lehenengo ikasketak; gero Parisko École Normale Superieuren jarraitu zituen. Doktoregoa Cambridgeko Trinity Collegen egin zuen. Ikasketak bukatuta, irakasle-laguntzaile postu bat lortu zuen Harvard Unibertsitatean (1969). 1972an Standfordera joan zen, eta han irakasle-laguntzaile aritu zen 1975ean Cambridgera itzuli zen arte. 1977an, Australiako Unibertsitate Nazionaleko irakasle hautatu zuten; hala ere, urtebete geroago Frantziara itzuli zen. 1985ean Parisko École Normale Superieureko matematikako zuzendari eta irakasle hautatu zuten. Urte berean, Londresko Royal Societyko kide izendatu zuten. Emmanuel Collegeko kide izateaz gainera, Cambridgeko Matematikako Sadleiriar katedra ere lortu zuen. 1991n, Cambridgeko Matematika Huts eta Estatistika Matematikako saileko zuzendari izendatu zuten.

Coatesek ekarpenik garrantzitsuenak 1966-1967 bitartean egin zituen, funtzioen hurbilketa aljebraikoari buruz lau artikulu argitaratu baitzituen urte horietan, oso garrantzitsuak. Mahlerren zenbaki arrazionalei buruzko lanaren jarraipena (Alan Bakerrekin batera) eta K-teoriaren ikerketa ere egin zituen. Gainera, Weilen aieruaren kasu berezi batzuk frogatu zituen, eta Iwasawaren teoria landu ondoren zenbait artikulu idatzi zituen Andrew Wilesekin batera (1977-1978). Coatesen ikasle izan zen Wiles matematikariak Fermaten azken teorema frogatzea lortu zuen. 1988-1990 bitartean, Coates Londresko Elkarte Matematikoko buru izan zen; elkarte horren eskutik Senior Whitehead saria jaso zuen 1997an.

Erreferentziak[aldatu | aldatu iturburu kodea]