Jon Rahm

Wikipedia, Entziklopedia askea
Jon Rahm
Bizitza
Jaiotza Barrika1994ko azaroaren 10a (25 urte)
Herrialdea  Bizkaia, Euskal Herria
Hezkuntza
Heziketa Arizona State University (en) Itzuli
Hizkuntzak euskara
gaztelania
ingelesa
Jarduerak
Jarduerak golf-jokalaria
jonrahm.com

Jon Rahm Rodríguez (Barrika, Bizkaia, 1994ko azaroaren 10a) euskal herritar golf-jokalaria da, 2016an profesional bilakatua.

Arizonako Unibertsitateko Sun Devils taldean ibilitakoa,[1][2] bi aldiz irabazi zuen Ben Hogan Saria.[3] 2014an amateurretako Munduko Txapelketa irabazi zuen, Jack Nicklausek ezarritako marka hautsiz.[4] Mark H. McCormack domina eta Eisenhower Saria lortu ondoren, 2016ko U.S. Openean parte hartu zuen.[5] Opena bukatu eta berehala, profesional bilakatu eta Quicken Loans Nationalean lehen aldiz lehiatu zen.[6]

2020an historia egin zuen. Lehen aldiz euskal golfari bat munduko sailkapenaren gailurrean izan zen. Soilik 24 golf jokalarik lortu dute rankingaren lehen postura igotzea, eta hori lortzen duen bederatzigarren europarra da. PGA Tourraren Memorial txapelketa irabazi ostean lortu zuen lehen postua. Denboraldiko lehen garaipena zen eta PGA Tourreko hirugarrena. Profesional gisara, 11 txapelketa irabazi ditu Rahmek. PGA Tourraren Memorialak 76 puntu eman zizkion, eta guztira 460,82 batuta, Rory McIlroy irlandarra aurreratu du munduko sailkapenean. 11 aste zeramatzan horrek lehen postuan (guztira, aurreko aldiak zenbatuta, 106). Aste gehien Tiger Woods egon da gailurrean, 683.[7]

Erreferentziak[aldatu | aldatu iturburu kodea]

  1. Herrington, Ryan. (2016-5-26). «Jon Rahm is the no. 1 ranked mens amateur in the world but should he be?» Golf Digest.
  2. Arizona State. (2016-6-20). Jon Rahm. .
  3. Azcentral sports. (2016-5-24). «ASU's Jon Rahm is first two-time winner of Ben Hogan Award» The Arizona Republic.
  4. Etxeberria, Julen. (2015-03-03). «Historiako onena izan nahi dut» Berria.
  5. Schofield, Paul. (2016-6-19). «Amateur Rahm finishes with 70 at Oakmont» Pittsburgh Tribune-Review.
  6. Etxeberria, Julen. (2016-06-24). «Handia egin da» Berria.
  7. Ordoñez Garmendia, Jon. (2020-07-20). «Jon Rham lehena da munduko rankingean» Berria CC BY-SA 4.0 lizentziapean.