José Ángel Lema Pueyo

José Ángel Lema Pueyo
Bizitza
Jaiotza	Donostia, 1960ko martxoaren 21a
Herrialdea	Gipuzkoa, Euskal Herria
Heriotza	2022ko apirilaren 5a (62 urte)
Hezkuntza
Hizkuntzak	euskara gaztelania
Jarduerak
Jarduerak	unibertsitateko irakaslea eta historialaria
Enplegatzailea(k)	Euskal Herriko Unibertsitatea

José Ángel Lema Pueyo (Donostia, 1960ko martxoaren 21a - 2022ko apirilaren 5a) Erdi Aroaren Historian eta Paleografian aditua zen historialaria.

Bizitza

Bere ikasketei dagokionez, 1984an lizentziatu zen eta 1995ean doktoratu zen Deustuko Unibertsitatean Organización institucional de los reinos de Alfonso I "el Batallador" y sus relaciones con la nobleza laica y eclesiástica (1104-1134) izenburudun tesiarekin (euskaraz Nafarroako Alfontso I.a Borrokalariaren erreinuen antolaketa instituzionala eta noblezia laiko eta eliztarrarekin zituen harremanak).

2003tik Erdi Aroaren Historiako Irakasle titularra izan zen Euskal Herriko Unibertsitateko Arabako Letren Fakultatea Fiologia eta Historia Sailean (lehengo Filologia, Geografía eta Historia Fakultateko Erdi Aroaren, Aro Modernoaren eta Amerikaren Historia Sailean).

Bihotzekoak jota hil zen.

Lana

Nafarroako Alfontso I.a erregearen irudizko erretratua (Francisco Pradilla y Ortiz)

Bere tesiaren bidez, XII. mendeko Nafarroako erresumako gizartearen elitea aztertu bazuen ere, beste gai ugari ikertu zituen. Hala nola, Behe Erdi Aro eta Aro Modernoko dokumentazioaren edizioa eta ikerketa diplomatikoa eta Gipuzkoako Batzarren sorrera eta kontzejuak.

Ikerketa-proiektuak

Ikerketa proiektu hainbatetan parte hartu zuen:

• "De la Lucha de Bandos a la Hidalguía Universal: transformaciones sociales, políticas e ideológicas en el País Vasco, siglos XIV y XV" (UPV y Ministerio de Educación y Ciencia, 2000-2002, 2002-2003 y 2004-2007)
• "Los ámbitos de poder en la sociedad guipuzcoana tardomedieval (siglos XIV-XVI): entramados burocráticos y manifestaciones documentales" (UPV/ EHU, 2003-2005).
• Bere azken ikerketan zerbitzu eta basailutza harremanak aztertzen ari zen euskal eliteen eta Gaztelako monarkiaren artean XV. eta XVI. mendeetan, Gutun bizkaitarrak (‘Cartas vicaínas’) deitutakoen bidez, José Antonio Munitarekin batera egiten ari zena eta ez zuena amaitu.

Argitalpenak

Hauek dira Lemaren argitalpen nagusiak:

Euskal Herriko dokumentazio-iturrietan aditu handienetakoa zen eta Eusko Ikaskuntzaren “Fuentes Documentales Medievales del País Vasco” bilduman hainbat liburu argitaratu zituen (zenbait herritako dokumentu bildumak, batik bat) eta beste hainbat dokumentazio-lan argitaratu zituen, bai dokumentuak, bai eta haien testuingurua (esate baterako, bandoen gerrari buruz eta Araba, Bizkaiko eta Gipuzkoako XV eta XVI. mendeetako eliteei buruz).

Historiako sintesi-lanezko eskuliburutan ere aritu zen: Lur Entziklopedia Tematikoaren Euskalerriaren Historian eta Hiria Liburuak argitaletxearen Historia del País Vasco deitutakoan Auñamendi eta beste hainbat liburu aipatutako Erdi Aroari eta Aro Moderno hasierari buruzko ikerketetan oinarritutakoak, bereziki garai horretako euskal eliteena.

Kanpo estekak

• José Ángel Lema Pueyoren lana Dialnet datu basean; Researchgate-n; Academia.edu-n; eta Inguma datu basean.
• José Ángel Lema Pueyo Inguma datu-basean

• Datuak: Q99731673