José Cardoso Pires

José Cardoso Pires
Bizitza
Jaiotza	São João do Peso (en) , 1925eko urriaren 2a
Herrialdea	Portugal
Heriotza	Lisboa, 1998ko urriaren 26a (73 urte)
Hezkuntza
Hizkuntzak	portugesa
Jarduerak
Jarduerak	idazlea
Lan nabarmenak	ikusi Bloco (en) ;
Jasotako sariak	ikusi Pessoa Prize (1997) ; Grand Cross of the Order of Merit of Portugal (1989ko otsailaren 4a) ; Commander of the Order of Liberty (1985eko urriaren 1a) ;

José Cardoso Pires (Castelo Branco, 1925eko urriaren 2a - Lisboa, 1998ko urriaren 26) portugaldar idazlea izan zen.

Hainbat lanbidetan jardun zuen bere bizitzan zehar, matematikari, marinel eta kazetari gisa, besteak beste. Bere literaturari dagokionez, portugaldar neorrealismo tradizionalari lotua izan da, eta Hemingwayren eta Ameriketako short story delakoaren jarraitzaile izan zen. Hainbat genero landu zituen, adibidez: ipuina, Os caminheiros (1949) eta Histórias de amor (1952)-; eleberria, O Anjo Ancorado (1958); antzerkia, O Render dos Heróis, B. Brechten eraginpean idatzitako obra; eta saiakera, Cartilha do Marialva (1960) esaterako. Lehenengo arrakasta 1963an eskuratu zuen, Jogos do Azar ipuin-bildumarekin, eta Hóspedes de Job polizia-eleberria eta gizarte-egoera gatazkatsua bateratzen dituen eleberriarekin. Ondoren idatzi zituen O Delfim (1968), Dinossauro Excelentíssimo (1972) satira politikoa eta E agora, José? (1977) saiakera politikoa; testu kritiko eta konprometitua osatu zuen, orobat, Corpo-Delito na Sala de Espelhos (1979, 1980an argitaratua) antzerkirako idatzitako obran. Piresek kontalari aparta zela erakutsi zuen, besteren artean, A balada da praia dos cães (1982) ipuin-bildumarekin, maisutasunez bateratu baitzituen prosa artistikoa eta Lisboako kale-hizkera; kutsu eta giro horretakoa da, orobat, Alexandra Alpha (1987) eleberria. Ez ordea A República dos Corvos (1988); eleberri horretan, errealitatetik urrundu zen, eta esanahi alegorikoko zenbait kontakizun eman zituen. 1997. urtean Lisboa. Diario de a bordo lan autobiografikoa idatzi zuen.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q932343