José de Urrutia y de las Casas

Wikipedia, Entziklopedia askea
Jump to navigation Jump to search
Artikulu hau militar zallarrari buruzkoa da; beste esanahietarako, ikus «Urrutia».
José de Urrutia y de las Casas
General Jose de Urrutia (1739-1803) por Goya.jpg
Jose de Urrutiaren margolana, Francisco de Goyak egindakoa (1798).
Bizitza
Izen osoa José de Urrutia y de las Casas
Jaiotza Zalla1739ko azaroaren  19a
Herrialdea  Bizkaia, Euskal Herria
Heriotza Madril1803ko martxoaren  1a (63 urte)
Hezkuntza
Hizkuntzak gaztelania
Jarduerak
Jarduerak esploratzailea eta militarra
Jasotako sariak
Zerbitzu militarra
Gradua jeneral
Parte hartutako gatazkak Konbentzioaren Gerra
Napoleondar Gerrak

José de Urrutia y de las Casas (Zalla, 1739ko azaroaren 19a - Madril, 1803ko martxoaren 1a) bizkaitar militar eta ingeniaria izan zen.

Bizitza[aldatu | aldatu iturburu kodea]

Lehenengo ikasketak Balmasedan egin ostean, Bartzelonara joan zen hango akademia militar batean matematika ikastera. 1755ean Espainiako armadan sartu zen, Fernando VI.a erregearen garaia zelarik. Hiri espainiar batzuetan ibili ondoren, 1764an gaur egungo Mexiko aldera abiatu zen, eta sei urte eman zituen bertan.

Penintsulan bueltan, leku batetik bestera ibili zen hala zeregin zibil nola militarretan, eta Europan barrena ere aritu zen politikari eta diplomazialari lanetan.

Konbentzio Gerran, Nafarroa Garaiko Erronkaribarren frantziar armadaren aurka borrokatu zen, bai eta garaile atera ere; ondoren, Katalunian jardun zuen frantziarren aurkako borrokan. 1797an jeneral izendatu zuten, eta ibilbide guztian zehar hainbat kargu eta ohore jaso zuen.