Joseph Novak

Wikipedia, Entziklopedia askea
Jump to navigation Jump to search
Joseph Novak
Bizitza
Jaiotza 1932  (85/86 urte)
Herrialdea  Ameriketako Estatu Batuak
Hezkuntza
Heziketa Minnesotako Unibertsitatea
Hizkuntzak ingelesa
Jarduerak
Jarduerak akademikoa

Joseph D. Novak (1932-) Cornell Uniberstitateko Hezkuntza eta Biologia katedraduna eta Estatu Batuetako hezitzaile ezaguna da, berak garatutako teoria kognitiboa dela-eta. Ikasketa esanguratsuaren bultzatzaile, kontzeptuak barneratzeko eta ulertzeko kontzeptu mapak ere sortu zituen.

Biografia[aldatu | aldatu iturburu kodea]

Zientzia eta Matematikan graduatu zen 1952an, Minnesota Unibertsitatean. Geroago, 1954an, Zientzien Didaktikan Masterra lortu zuen. Zientzien Didaktikako eta Biologiako doktoratutzat ere burutu zituen 1958an. Bi doktoretza hauek, Minnesota Unibertsitatean egin zituen.

Ikasketez gain, bere lan profesionala ere Estatu batuetako unibertsitateetan oinarritzen da nagusiki. Izan ere, bai irakasle gisa eta baita ikerlari lez hainbat unibertsitatetan jardun du lanean. Besteak beste, Minnesota Unibertsitatean, Kansas State Teachers College-n, eta Purdue, Harvard eta Cornell unibertsitateetan.

Cornell Unibertsitatean, Hezkuntza eta Biologia zientzietan irakasle zen bitartean, ikerkuntza ezberdinak gauzatu zituen, hezkuntzan, ikaskuntzan, eta ezagutzaren sorkuntza eta adierazpenetan.

Liburu eta artikulu ugariren egilea ere bada Joseph D. Novak. Liburu guztietan nabarmenena “Learning How to Learn” (Aprendiendo a aprender. Martinez Roca, 2005) da, 1977, 8 hizkuntza ezberdinetara itzulita dago. Bestalde, gaur egunean, Learning, Creating, and Using Knowledge: Concept Maps as Facilitative Tools in Schools and Corporations”, sei hizkuntzetara itzulia ere aipatu beharra dago.

Gaur egunean, Cornell Unibertsitateko irakasle emeritua da eta zientzialari seniorra West Florida Unibertsitateko, gizonaren eta makinaren kognizio (Human & Machina Cognition, IHMC ) institutoan. Bestalde, hezkuntza aholkulari bezala ere jarduten du hainbat enpresa eta instituziotan, adibidez, NASA eta Kodak-ekin.

Herrialde ugaritan ibili da Joseph D.Novak, ikertzaile zein hezkuntza aholkulari; besteak beste, Australia, Kanada, Danimarka, Finlandia, Frantzia, Israel, Japonia, Mexiko, Portugal, Espainia, Suedia, Erresuma Batua, Venezuela eta abar. Honez gain, bere lanak eraginda, Estatu Batuetako unibertsitate eta ikastetxe ugari ere bisitatu ditu, 300dik gora.

Egindako lanaren ordain lez hainbat ohorezko sari jaso ditu, besteak beste leku hauetan eman dizkiote aipatutako sariak: Comahue Unibertsitate Nazionala (Argentina), Council of Scientific Society Presidents, Penn State University, National Association of Biology Teachers, National Association for Research in Science Teaching, Association for the Education of Teachers in Science eta University of North Carolina.

XX.mendearen bigarren erdialdean, hezkuntzan eraginik nagusiena izandako aditu bezala ezagutzen da. Ezagutza eta ospe hori, duela 25 urte Kontzeptu-Mapak eta hezkuntzaren teoriaren ondorio dira.

Teoriaren ildo nagusia[aldatu | aldatu iturburu kodea]

Novak-ek bere lana Ausubel-en oinarritu du, teoria kognitibo bat da, eta horrenbestez, helburua kognitibismoaren ikuspegitik ikasketa prozesua teorikoki esplikatzea da. Kognitibismoa gizakia munduan kokatu eta antolatzen denean gertatzen dena azaltzen saiatzen da.

Prozesu kognitiboen bidez ezagutza hartu eta erabili egiten du. Ideia eta informazio berriek ikasi eta gorde egin daitezke kontzeptu esanguratsuak eta barneratuak argi eta garbi baldin badaude gizabanakoaren egitura kognitiboan. Kontzeptu berriek gizabanakoarentzat esanahia hartzen dutenean, lehendik dauden kontzeptuekin elkartu ondoren, aurretik dauden kontzeptu berriak onartzen badituzte, eta beren bereizketa, egitea eta egonkortasuna bultzatzen badituzte, ikastea esanguratsua dela esaten da.

Novakek bere teoriari Giza konstruktibismoa deitzen dio. Zera azpimarratzen du: gertutik aztertu behar dugula giza ikasketaren psikologia eta ezagutza filosofikoaren arteko lotura. Gizakiengan garatu gabe dagoen ikasketa potentzial handia dagoela dio Novakek, eta heziketa askok beronen adierazpena bultzatu baino gehiago oztopatu egiten dutela. Zorionez, giza ikasketaren gaur egungo ezagutzak eta gizakiak ezagutza berria eraikitzeko erabiltzen dituen prozesuek ikaslearen adimen potentzia askoz gehiago askatzen laguntzen dute.

Novakek eta bere lan taldeak 1975ean sortutako kontzeptu-mapen teknika marko teoriko horretan eratu zen. Teknika horrek ikuspuntu praktikotik printzipio teoriko horiek guztiak antolatzeko aukera emango digu.

Kontzeptu-mapa zera da: gizaki batek bere buruan dauzkan kontzeptuen erlazioaren eta hierarkien adierazpen bisuala. Kontzeptuzko mapek esanahi berriak eraikitzen laguntzen digute burmuinean kokatzen ditugun ezagutzak epe luzerako antolatzeko balio digutelako eta burmuineko aldamio funtzioa bete dezaketelako gure oroimen funtzionalean dauzkagun ezagutza zatiak lortzeko.

Euskal Herriko ikastetxe aunitzetan jaso da Novaken prozeduren inguruko prestakuntza. Zalantzarik gabe, gure artean zabaldua da oso bere teoria.