Jose Ramon Aihartza
| Jose Ramon Aihartza | |
|---|---|
 | |
| Bizitza | |
| Jaiotza | Donostia, 1962 (61/62 urte) |
| Herrialdea |  Gipuzkoa, Euskal Herria |
| Familia | |
| Anai-arrebak | ikusi
|
| Hezkuntza | |
| Heziketa | Euskal Herriko Unibertsitatea |
| Hizkuntzak | gaztelania |
| Jarduerak | |
| Jarduerak | katedraduna, zoologoa eta ikertzailea |
| Enplegatzailea(k) | Euskal Herriko Unibertsitatea |
| Lan nabarmenak | |
| Kidetza | Udako Euskal Unibertsitatea |
Jose Ramon Aihartza Azurtza (Donostia, 1962) biologoa Euskal Herriko Unibertsitateko Zientzia eta Teknologiako Fakultateko irakaslea da Zoologia eta Animali Zelulen Biologia sailean. 2010ean Ornodunak. Anatomia, eboluzioa eta aniztasun liburua argitaratu zuen.
Ia 500 orri dituen liburu horretan ornodunen unibertsoa deskribatu zuen, 780 irudiren laguntzarekin. Argazki horietan munduko hainbat ikerketa-zentro, argazkilari eta irudigileren ekarpena jaso zuen, besteak beste, Melbourneko Museum Victoria, Berlingo Aquariuma, Karen Carr irudigilea, Jakako Instituto Pirenaico de Ecología eta ollscoil na hÉireann, Gaillimh-eko Zoologia saila.[1]
Aihartzak ikasketak Donostiako Alde Zaharreko Faustina Carril andereñoarekin hasi zituen eta Santo Tomas lizeoan jarraitu. 1978 eta 1979an Aranzadi Zientzi Elkarteko Espeleologia sailean jardun zuen. 1986tik aurrera Udako Euskal Unibertsitateko Natur Zientziak saileko kidea da, eta Talde Eragileko partaidea izan da 1996-2000 eta 2004-2009 tarteetan.
1989an Biologian lizentziatua EHUn, Euskal Herriko faunari buruzko dibulgazio-lanetan jardun izan du eskola eta institutuetan hitzaldiak ematen, artikuluak idazten, eta irrati eta telebistarako saioak egiten. 1993tik irakaslea da EHUko Zientzia eta Teknologia Fakultatean, eta azken Ornodunen Zoologia irakatsi du bertan. Biologian doktore 2001ean, ugaztunen jokabidea eta ekologia ikertzen ditu,[2] eta bereziki saguzarren ekologia espazial eta trofikoa.[3]
Euskal komunitate zientifikoaren Inguma datu-basean, berak idatzitako 30 lan baino gehiago azaltzen dira.[4]
Erreferentziak[aldatu | aldatu iturburu kodea]
- ↑ UEUk "Ornodunak" liburua argitaratu du, biologia ikasleak eta naturazaleak tentatzeko asmoz Sustatu, 2010-09-26
- ↑ Barandiaran, Alberto. (1991-07-18). «Joserra Ahiartza: "Pirineoetako hartza hitoz biziduna da"» Berria.eus (Euskaldunon Egunkariaren hemeroteka. 1990-2003.) (Noiz kontsultatua: 2021-05-20).
- ↑ Aihartza, Joxerra. «"Munduan 1.300 espezie saguzar daude”» Zientzia Kaiera (EHU, Kultura Zientifikoko Katedra, Zientzialari (33)) (Noiz kontsultatua: 2018-03-26).
- ↑ Jose Ramon Aihartzaren produkzioa Inguma datu-basearen arabera (>30 produktu)
Kanpo estekak[aldatu | aldatu iturburu kodea]
- Joxerra Aihartza: “Munduan 1.300 espezie saguzar daude” Zientzialari (33) – Zientzia Kaiera
- Melbourneko Museum Victoria
- Berlingo Aquariuma]
- Karen Carr irudigilea
- Jakako Instituto Pirenaico de Ecología
- ollscoil na hÉireann, Gaillimh institutuko Zoologia saila (NUI, Galway, Irlanda)
Datuak: Q12260727