Josetxo Mayor

Wikipedia(e)tik
Hona jo: nabigazioa, Bilatu
Josetxo Mayor.JPG

Josetxo Mayor (c. 1934 - ) donostiar pertsonaia da, 1986 urtetik Ulia mendiko bideak garbitu eta bide berriak zabaltzeagatik ezaguna dena, bere kabuz, inoren laguntzarik gabe eta musu-truk. Egindako lan itzela eskertzeko, Donostiako Hiritar Merituari Domina jaso zuen 1995 urtean. Club Vasco de Campingek eta Cangrejo Elkarteak ere omenaldiak antolatu dizkiote.[1]

Josetxo bidea

1986ko irailaren 16an hasi zen lan horretan. Hasieran asteburuetan bakarrik, baina 1997an jubilatu zenetik egunero aritzen da Uliako bideak zaintzen. Berreskuratu dituen bide nagusiak hauek dira: [2]

  • Pasai San Pedrotik atera eta Donostiaraino doan GR-121 ibilbidearen zatia,[3]
  • Uliako tirotik itsasaldera jaisten den Axeri Errekako bidea,
  • eta, nola ez, Josetxo bidea ("Josetxoren etorbidea" ere deitua), berak kasualitatez aurkitu zuen galtzara moduko bidea, aspaldiko Arrese harrobiko harriak Donostiara eramateko erabiltzen zena (esate baterako, Groseko San Inazio eliza harri horrekin egina da).

2014an Josetxo Mayorri eskainitako erakusketa bat antolatu zuen Cristina Enea Fundazioak Ulia Interpretazio Zentroan. Erakusketan argazkiak eta dokumental bat erakusten ziren, bere lanari omenaldi izan nahi zutenak. [4]

Erreferentziak[aldatu | aldatu iturburu kodea]

  1. (Gaztelaniaz)   Izagirre, Ander (2008), Cuidadores de mundos, Altaïr .
  2. (Gaztelaniaz)  Izagirre, Ander (2007), Ulía por los caminos de Josetxo, Diario Vasco .
  3. Talaia: Pasai San Pedro - Donostia (GR 121 E21) Gipuzkoako mendi-ibilbideak, Gipuzkoako Foru Aldundia.
  4. Cristina enea Fundazioa Albistea: "Josetxo Mayorri eskainitako erakusketak igandean irekiko ditu ateak Ulia Interpretazio Zentroan" (2014/04/11).

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Josetxo Mayor Aldatu lotura Wikidatan