Juan Jose Pujana

Juan Jose Pujana
; Espainiako senataria
; Diputatua Eusko Legebiltzarrean
; Diputatua Eusko Legebiltzarrean
; 1. Eusko Legebiltzarreko mahaiburu
; Diputatua Eusko Legebiltzarrean
Bizitza
Jaiotza	Bilbo, 1943ko urtarrilaren 13a
Herrialdea	Bizkaia, Euskal Herria
Heriotza	Elorrio, 2022ko otsailaren 1a (79 urte)
Hezkuntza
Hizkuntzak	gaztelania; euskara
Jarduerak
Jarduerak	politikaria, itzultzailea eta abokatua
Lantokia(k)	Madril
Kidetza	Euskalerriaren Adiskideen Elkartea; Musikene
Sinesmenak eta ideologia
Alderdi politikoa	Eusko Alderdi Jeltzalea; Eusko Alkartasuna

Juan Jose Pujana Artza (Bilbo, Bizkaia, 1943ko urtarrilaren 13a - Elorrio, 2022ko otsailaren 1a) politikaria eta abokatua izan zen, Eusko Legebiltzarreko estreinako lehendakaria. Eusko Alderdi Jeltzaleko (EAJ) kide bere ibilbide politikoaren hasieran, Eusko Alkartasuna alderdiaren sortzaileetako bat gerora, 1986an. Euskalerriaren Adiskideen Elkarteko kidea zen. Grezia klasikoaren zalea zen, eta kultura ingurune hartako zenbait idazlan euskaratu zituen.^[1]^[2]

Ibilbidea

Ekonomia Zuzenbideko lizentzia eskuratu zuen Deustuko Unibertsitatean. Gazte-gaztetatik politikan sartuta, Eusko Alderdi Jeltzaleko kide izan zen klandestinitatean, Francoren diktaduraren garaian. Alderdi horren bileretako asko egin ziren Pujanaren bulegoan. Euzkadi Buru Batzarreko idazkari nagusia izan zen.^[1]

Eusko Kontseilu Nagusian Lurralde-Antolamendu, Hirigintza eta Ingurumeneko sailburu izan zen 1978tik 1980ra bitartean, Juan Ajuriagerraren ordezko. Euskal Autonomia Erkidegoa sortu berritan, Bizkaitik legebiltzarkide postu baterako hautatu zuten, eta Eusko Legebiltzarreko lehendabiziko mahaiburua izan zen. Kargu horretan jardun zuen Legebiltzarraren lehenengo bi legealdietan, 1980-1986 artean.^[1]

Ondoren, 1986an, Eusko Alkartasuneko (EA) kide sortzaileetako bat izan zen. Alderdi horrekin, legealdi batez senataria izan zen Espainiako Senatuan, 1987tik 1991 arte.^[2] EAJ eta EA alderdien arteko koalizioa desegin zenean, Pujana Eusko Alkartasunetik irten zen.^[1]

Politika utzi eta gero, 2005ean, Musikene-Euskal Herriko Goi Mailako Musika Ikastegiko koordinatzaile nagusia izan zen, 2009 arte.^[1]

Erreferentziak

↑ ^a ^b ^c ^d ^e (Gaztelaniaz) «Muere Juan José Pujana, primer presidente del Parlamento Vasco» Deia (kontsulta data: 2022-02-02).
↑ ^a ^b (Gaztelaniaz) «Fallece Juan José Pujana, primer presidente del Parlamento Vasco» ElDiario.es 2022-02-02 (kontsulta data: 2022-02-02).

Kanpo estekak

Datuak: Q9015689

[DeiakoHilberria-1] (Gaztelaniaz) «Muere Juan José Pujana, primer presidente del Parlamento Vasco» Deia (kontsulta data: 2022-02-02).

[ElDiariokoHilberria-2] (Gaztelaniaz) «Fallece Juan José Pujana, primer presidente del Parlamento Vasco» ElDiario.es 2022-02-02 (kontsulta data: 2022-02-02).

[1]

[2]

	Bigarren Eusko Kontseilu Nagusia
Carlos Garaikoetxea (Lehendakaritza) Juan María Bandrés (Garraioa eta Komunikabideak) • Felix Ormazabal (Nekazaritza) • Angel Olarte (Kultura) • Jose Antonio Agirre (Ogasuna) • Carlos Santamaria (Hezkuntza, Unibertsitateak eta Ikerketa) • Jose Luis Robles (Industria, Energia eta Arrantza) • Juan Jose Pujana (Lurralde Antolaketa, Hirigintza eta Ingurumena) • Andoni Monforte (Osasuna eta Gizarte Segurantza) • Mikel Isasi (Kontseilari "Politikoa") • Carlos Soltxaga (Merkataritza) • José Antonio Agiriano (Justizia) • Juan Iglesias (Lana) • Ángel García Ronda (Herri Administrazioa) • José María Benegas (Kontseilari "Politikoa") • José Antonio Ramírez Escudero (Ekonomia) • Alfredo Marco Tabar (Herri Lanak eta Etxebizitza) • Jaime Mayor Oreja (Turismoa) • Jesús María Viana (Kontseilari "Politikoa")

i e a Eusko Legebiltzarreko mahaiburuak
Juan Jose Pujana (1980-1987) • Jesus Egiguren (1987-1990) • Joseba Andoni Leizaola (1990-1998) • Juan Mari Atutxa (1998-2005) • Izaskun Bilbao (2005-2009) • Arantza Quiroga (2009-2012) • Bakartxo Tejeria (2012-)
Eusko Legebiltzarra