Judith Love Cohen

Judith Love Cohen
Bizitza
Jaiotza	Brooklyn, 1933ko abuztuaren 16a
Herrialdea	Ameriketako Estatu Batuak
Heriotza	Culver City, 2016ko uztailaren 25a (82 urte)
Hobiratze lekua	Eden Memorial Park (en)
Heriotza modua	berezko heriotza: minbizia
Familia
Aita	Morris Cohen
Ama	Sarah Cohen
Seme-alabak	ikusi Jack Black Neil Siegel (en)
Hezkuntza
Heziketa	Hegoaldeko Kaliforniako Unibertsitatea 1957) Zientziatan graduatua : ingeniaritza elektriko Hegoaldeko Kaliforniako Unibertsitatea 1962) Zientzietako Masterra : ingeniaritza elektriko Brooklyn College (en)
Jarduerak
Jarduerak	military flight engineer (en) , idazlea eta argitaratzailea
Enplegatzailea(k)	Metropolitan Opera

Judith Love Cohen (Brooklyn, AEB, 1933ko abuztuaren 16a - Culver City, 2016ko uztailaren 25a) estatubatuar ingeniari aeroespaziala eta idazlea izan zen. Ingeniari elektriko gisa lan egin zuen Minuteman misilean, Hubble teleskopio espazialaren lurreko estazio zientifikoan, datuen jarraipen eta transmisiorako satelitean eta Apollo Programan. Ingeniari gisa erretiroa hartu ondoren, haurrentzako multimedia argitalpenen argitaletxe bat sortu zuen, eta 20 titulu baino gehiago argitaratu zituen 2016an hil aurretik.

Biografia

1933an jaio zen Brooklynen, New Yorkeko familia judu batean, Sarah (Roisman) eta Morris Bernard Cohenen alaba. Bosgarren mailan, ikaskideek matematikako etxeko lanak egiteagatik ordaintzen zioten. Askotan neska bakarra zen matematikako klaseetan, eta matematikako irakasle izan nahi zuela erabaki zuen. 19 urterekin, ingeniaritza ikasten zuen unibertsitatean eta, aldi berean, balleta dantzatzen zuen New Yorkeko Metropolitan Opera Balleten konpainian.

Hezkuntza

Judithek matematikan espezializatzeko beka bat jaso zuen New York Hiriko Unibertsitateko College Brooklynen, baina ingeniaritza nahiago zuela konturatu zen. Brooklyn Collegen bi urte eman ondoren, Cohen ezkondu eta Kaliforniara joan zen bizitzera. Han, North American Aviation-erako junior ingeniari gisa lan egin zuen, eta gauez Hegoaldeko Kaliforniako Unibertsitatean (USC) ikasten. Lizentziatura eta maisutzako programetatik beste emakume ingeniaritza-ikaslerik ezagutu gabe igaro zela esan zuen. USC Viterbi Ingeniaritza Eskolan lortu zituen lizentziatura eta masterra, 1957an eta 1962an, hurrenez hurren, eta unibertsitatearekin jarraitu zuen, Ingeniaritza Astronautikoko Aholku Batzordeko kide gisa arituz.

1982an UCLAko Ingeniaritzako Programa Exekutiboan graduatu zen.

Ibilbidea

Cohenen ingeniaritza karrera 1952an hasi zen, North American Aviation enpresan junior ingeniari bezala lan egin zuenean. 1957an USC Viterbi Ingeniaritza Eskolan graduatu ondoren, Espazio Teknologia Laborategietan lan egin zuen. Espazio Teknologia Laborategiak azkenean TRW bihurtu zen (Northrop Grummanek erosi zuen 2002an). Bertan lan egin zuen 1990ean erretiroa hartu zuen arte.

Bere ingeniaritza-lanak Minuteman misilerako orientazio-ordenagailuan eta Apolo ilargiratze-moduluan Abortu Gida Sisteman (AGS) egindako lanak ziren. AGSk paper garrantzitsua izan zuen Apollo 13ren itzulera seguruan, oxigeno depositu baten leherketa batek Zerbitzu Modulua kaltetu eta astronautak Ilargiratze Modulua "salbamendu-ontzi" gisa erabiltzera behartu ondoren. AGSa itzuleraren zatirik handienerako erabili zen, bi norabide-zuzenketa barne.

1990ean, ingeniari izateari utzi ondoren, Cascade Pass izeneko konpainia editoriala sortu zuen Cohenek bere hirugarren senarrarekin, David Katzekin. Bi liburu-sail argitaratu zituzten: «You Can be a Woman ...» ("Zu emakume bat izan zaitezke...") saila, neska oso gazteak zientzian eta ingeniaritzan karrera jarraitzera bultzatzeko sortu zena; eta «Green» ("Berdea") saila, haur txikiei zuzendutako ingurumen-praktika positiboak sustatzen zituena. Cascade Passek 100 000 liburu baino gehiago saldu ditu bi sail hauetan.

Cascade Passek Robyn Friendek idatzitako The Women of Apollo liburua ere argitaratu zuen, lehen gizona ilargian jartzen lagundu zuten lau emakumeren biografia laburrak aurkezten dituena, Judith haien artean.

Bizitza pertsonala

Lau seme-alabaren ama izan zen Cohen, tartean Neil Siegel ingeniari eta zientzialari ezaguna eta Jack Black aktorea. Lehenengo hiru seme-alabak (Neil, Howard eta Rachel) Bernard Siegelekin izan zituen, zeinekin unibertsitatean ezagutu zen eta hilabete batzuk geroago ezkondu zen.

Cohen eta Siegel 1960ko hamarkadan dibortziatu ziren, eta gero berriro ezkondu zen Thomas William Blackekin. Laugarren semea, Jack, 1969an jaio zen. Cohen eta Black 1970eko hamarkadaren amaieran dibortziatu ziren. Hirugarren senarra David Katz izan zen. Ezkonduta jarraitzen zuten Cohen 2016an minbiziak jota hil zenean.

1991n, Cohenen Howard semea HIESaz hil zen, 36 urte zituela.

Lanak

• A Clean seriea
  • (2007). A Clean Sky: The Global Warming Story. (with Robyn Friend) ISBN 978-1-880599-81-5.
    • (2007). Un Cielo Limpio: La Historia del Calentamiento Global (in Spanish) (with Robyn Friend) ISBN 978-1-880599-83-9
  • (2008). A Clean City: The Green Construction Story. (with Robyn Friend) ISBN 1-880599-84-8
  • (2009). A Clean Planet: The Solar Power Story. (with Robyn Friend) ISBN 978-1-880599-86-0
  • (2011). A Clean Earth: The Geothermal Story. (with Robyn Friend) ISBN 978-1-880599-98-3
  • (2012). A Cleaner Port. A Brighter Future. The Greening of the Port of Los Angeles. (with Robyn Friend, Lee Rathbone, and David Katz) ISBN 978-1-935999-00-3
  • (2015). Future Engineering: The Clean Water Challenge. (with Robyn Friend) ISBN 978-1-935999-08-9
  • (2015). Los Angeles' Clean Energy Future. (with Robyn Friend and David Katz) ISBN 978-1-935999-09-6
  • (2015). Los Angeles' Water Future. (with Robyn Friend and David Katz) ISBN 978-1-935999-11-9

• You Can Be seriea
  • 1992: You Can Be a Woman Architect ISBN 9781880599044
  • 1992: You Can Be a Woman Zoologist ISBN 9781880599563
  • 1993: You Can Be a Woman Paleontologist ISBN 9781880599433
  • 1994: You Can Be a Woman Oceanographer (Sharon E. Franks, Sharon Roth Franks) ISBN 9781880599662
  • 1995: You Can Be a Woman Astronomer ISBN 9781880599174
  • 1995: You Can Be a Woman Engineer ISBN 9781880599198
  • 1996: You Can Be a Woman Cardiologist ISBN 9781880599181
  • 1999: You Can Be a Woman Basketball Player ISBN 9781880599402
  • 1999: You Can Be a Woman Botanist ISBN 2,1880599310
  • 1999: You Can Be a Woman Egyptologist ISBN 9781880599457
  • 2000: You Can Be a Woman Soccer Player (Tisha Lea Venturinirekin) ISBN 9781880599495
  • 2000: You Can Be a Woman Softball Player ISBN 9781880599471
  • 2001: You Can Be a Woman Marine Biologist ISBN 9781880599532
  • 2002: You Can Be a Woman Entomologist ISBN 2,1880599600
  • 2002: You Can Be a Woman Meteorologist ISBN 9781880599587
  • 2003: You Can Be a Woman Movie Maker
  • 2004: You Can Be a Woman Animator (Vicky Jensonekin) ISBN 9781880599709
  • 2005: You Can Be a Woman Makeup Artist or Costume Designer (Robyn Friend) ISBN 9781880599761
  • 2005: You Can Be a Woman Chemist ISBN 9781880599723
  • 2005: You Can Be a Woman Video Game Producer ISBN 9781880599730

• Tu Puedes Ser seriea
  • Tu Puedes Ser Una Ingeniera
  • Tu Puedes Ser Una Arquitecta
  • Tu Puedes Ser Biologa Marina
  • Tu Puedes Ser Una Zoologa
  • Tu Puedes Ser Una Oceanografa

• Beste batzuk:
  • Friend, Robyn C.; Cohen, Judith Love; Katz, David A. (illustrations); Rathbone, Lee (editing) (2012). Electricity and You: Be Smart, Be Safe. Marina del Rey, CA. ISBN: 41-935-99902-7.

Sariak eta aintzatespenak

• 2014ko maiatzean, Cohenek IEE-USA Literatur Ekarpen Nabarmenen Saria jaso zuen, haurrentzako STEMekin egindako lanagatik.

Kanpo estekak

• Artikulu hau, osorik edo zatiren batean, {{{hizkuntza}}} Wikipediako «Judith Love Cohen» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.

• Judith Love Cohen IMDb-n
• David A. Katz and Judith Love Cohen Papers Hegoaldeko Mississippi Unibertsitatean
• Judith Love Cohen Find a Grave-n

• Datuak: Q37888317