Juventus FC

Juventus Football Club

Ezizena(k)	I bianconeri ("zuri-beltzak") La Vecchia Signora ("emakume zaharra")
Sorrera	1897
Futbol zelaia	Juventus Stadium edukiera: 41.507 lagun inaugurazioa: 1934
Presidentea	Andrea Agnelli
Entrenatzailea	Massimiliano Allegri
Liga	Serie A
2021-22	4.a
Webgunea	Webgune ofiziala
Etxekoa 　 Kanpokoa

Juventus Football Club Italia iparraldeko Torino hiriko futbol talde nagusia da, herrialde osoko zaharrenetakoa eta arrakastatsuenetakoa da. Italiako Liga 36 aldiz irabazi du 2020 arte, titulu gehien irabazi duen taldea da, eta nazioarte mailan ere hainbat txapelketa irabazi ditu, aipagarrienak Kontinente arteko Futbol Kopa eta UEFAko Txapeldunen Liga bina aldiz. Guztira titulu gehien dituen Europako laugarren taldea da, eta munduko zortzigarrena.

Etxeko partidak Juventus Stadium estadioan jokatu ohi ditu.

Izenak eta goitizenak

Taldearen izena latinezko Iuventus hitzetik dator, zeinak "gaztaroa" ean nahi duen. Taldearen koloreak zuria eta beltza direnez i bianconeri goitizena du. Beste ezizenak la Vecchia Signora (emakume zaharra), zebre ("zebrak"), edo, iraintzeko moduko gobbi, hau da, "konkordunak", italieraz zorte onekoak ere esan nahi duelako.

Historia

1903ko taldea.

"Hirukote majikoa"; Sivori, Charles eta Boniperti jokalariak 1951ean.

2012-13 denboraldiko taldea.

2013-14ko Txapeldunen Ligako partidan Juventus (horiz) Real Madrili sarturiko gola ospatzen.

Juventus Stadium.

Sorrera eta hasierako urteak

Sport Club Juventus izenarekin sortu zuten 1897an Torinoko Massimo D'Azeglio Lizeoko hainbat ikaslek, tartean lehenengo presidentea izan zen Eugenio Calfarik. Garai hartan kamiseta arrosa eta praka beltzak erabili ohi zituen. 1903 urterako jantziak hondaturik zeudela ikustean hiriko John Savage ehun-lantegiko zuzendariari eskatu zioten jantzi berriak egin zitzan. Honek ordea Ingalaterrara bidali zuen diseinu berria egin zezaten. Kolore arroxa hain gastatua zegoen ingelesek zuria zela pentsatu zutela eta Notts County-ren diseinua kopiatu zuten, marra bertikal zuri eta beltzak. Torinon ez zen aldaketa ongi ikusia izan baina 1905ean lehenengo Liga txapelketa irabaztean eredu hau gelditu zen betirako.

Talde profesionala

1923tik aurrera Fiat taldearen jabe zen Agnelli familiaren esku egon da taldea, hauei esker Italiako lehen talde profesionala izan zen Juventus. Hasiera batean Eduardo Agnelli bihurtu zen presidentea eta berehala, 1926an, bigarren Liga irabazi zuen taldeak. 1930an Carlo Carcano entrenatzailea iritsi zen. 1931 eta 1935 arteko bost ligak jarraian irabazi zituen. Talde hartako futbolari izarrak Luis Monti, Luigi Bertolini, Renato Cesarini, Giovanni Ferrari, Raimundo Orsi eta Felice Borel ziren. Bigarren Mundu Gerrak sorturiko etenaren aurretik bi kopa ere lortu zituen, 1938an eta 1942an.

Hirukote majikoa

1950 eta 1952ko ligak irabazi ondoren, 1957an Umberto Agnelli presidente zela hiru jokalari bikain elkartu ziren taldean, Omar Sívori argentinarra, John Charles galestarra eta Giampiero Boniperti italiarra. "Hirukote majikoa" goitizena eman zitzaien. Hiru Liga eta bi kopa berri eskuratu zituen. 1961 bukatzean bik taldea utzi zuten eta argentinarra 1965 arte egon zen bertan beste liga eta kopa bana irabazizi eta Europa mailako titulu bat ere bai, 1963ko Alpeetako Kopa.

Urrezko aroa (1972-1986)

Giampiero Boniperti jokalari ohia Juventuseko presidente bihurtu zen 1971ean eta taldearen "urrezko aroari" hasiera eman zion Italian zeuden jokalari onenak fitatzearen bidetik. Dino Zoff, Fabio Capello, Roberto Bettega, Franco Causio, Giuseppe Furino eta Claudio Gentile aritu izan ziren beste askoren artean. 1973an Europako Kopako finalera iritsi zen baina Ajax Amsterdamek garaitu zuen 1-0. Ajaxek Kontinente artekoa jokatzeari uko egin zion eta Juventusek hartu zuen bere lekua. Argentinako Independienteren aura jokatu zuen eta emaitza berarekin galdu zuen. Hamarkada honetan lortu zuen Europako titulu bakarra 1977ko UEFA Kopa izan zen, finalean Bilboko Athletic Kluba gainditu zuelarik. Italiako 5 Liga ere irabazi zituen eta Italiako futbol selekzio nazionalaren bizkarrezurra osatu zuten Juventuseko jokalariek.

80. hamarkasaren hasiera bikaina izan zen 1986 artean Italiako lau liga irabazteaz gain Europan tituluak biltzen hasi zen, 1984ean Errekopa eta Superkopa eta 1985ean hainbeste esperotako Europako eta Kontinente arteko Futbol Kopak. Taldeko izarra Michel Platini frantziarra izan zen, zeina hiru aldiz izan zen Ligako goleatzaile nagusia.

90. hamarkada

1990an Vittorio Caissotti di Chiusano abokatua bihurtu zen presidente. Urte hartan Stadio delle Alpi futbol zelaia estrenatu zuen. 1990ean bertan eta ondoren 1993an UEFA Kopa berriak eskurau zituen. Urterik onena 1996koa izan zuen berriz ere Txapeldunen Liga eta Kontinente arteko Kopa irabazi baitzituen, baita Europako Superkopa ere. 1997an eta 1998an ere finalak jokatu zituen baina galtzaile atera zen bietan, Borussia Dortmund (3-1) eta Real Madril (1-0). Zinedine Zidane zen taldeko izarra.

XXI mendea

2001 eta 2002an Liga berriak irabazi eta 2003an Txapeldunen Ligako finala jokatu zuen berriz, oraingoan AC Milanek garaitu zuelarik.

2006ko udan, partidetan iruzur egiteko eskandaluan sartuta ibili zen Juventus taldea. Hori dela eta hainbat zigor izan zituen:

• 2005 eta 2006ko Liga tituluak kendu zizkioten.
• 2006-07ko sasoian ezin izan zuen Italiako zein Txapeldunen Ligan parte hartu.
• Italiako lehen mailatik jaitsiarazi zuten historian lehen aldiz eta puntu zigor gogorra ezarri zioten

Hala ere urte horretan bertan berriz igo eta 2012tik aurrera liga guztiak irabazi ditu erreskadan. 2014an errekorrak ezarri zituen gainera 33 partida irabazi eta 102 puntu atera zituelarik. Europako txapelketetan ere gogor ari da eta Txapeldunen Ligako finala jokatu zuen 2015 urtean baina FC Barcelonak 3-1 emaitzaz garaitu zuen. 2015-16 denboraldian Italiako Liga eta Kopa irabazi zituen baina Europan ez zuen emaitza aipagarririk lortu. 2016-17an berriz ere Txapeldunen Ligako finalera iritsi zen baina Real Madrilek 4-1 emaitzaz garaitu zuen.

Bederatzi liga jarraian eskuratu ondoren 2020-21 denboraldian laugarren egin zuen. Txapeldunen Ligarako sailkatu zen eta Kopa titulua ere eskuratu zuen behintzat.

Uniformea

1919-tik aurrera marra zuri eta beltzak dituen elastikoa eta galtza zuriak izan ditu, baina XXI mendean hainbat alditan erabili ditu galtza beltzak. Elastikoko marren lodiera ere aldakorra izan da.

Historikoa

1897-1899

1899-1903

1903-1915

1915-etik

Azken urteak

2013-2014	2014-2015	2015-2016	2016-2017	2017-2018
2018-2019	2019-2020	2020-2021	2021-22

2022/2023 Taldea

2022ko irailaren 2an eguneratua.

Zbk. Postua Jokalaria 1 ATE Wojciech Szczesny 2 ATZ Mattia De Sciglio 3 ATZ Gleison Bremer 6 ATZ Danilo 7 AUR Federico Chiesa 8 ERD Weston McKennie 9 AUR Dušan Vlahović 10 ERD Paul Pogba 11 ERD Juan Cuadrado 12 ATZ Alex Sandro 14 AUR Arkadiusz Milik 15 ATZ Federico Gatti 17 ERD Filip Kostić 18 AUR Moise Kean

Zbk. Postua Jokalaria 19 ATZ Leonardo Bonucci 20 ERD Fabio Miretti 21 AUR Kaio Jorge 22 AUR Ángel Di María 23 ATE Carlo Pinsoglio 24 ATZ Daniele Rugani 25 ERD Adrien Rabiot 27 ERD Manuel Locatelli 30 AUR Matías Soulé 32 ERD Leandro Paredes (PSGtik utzita) 33 AUR Marley Aké 36 ATE Mattia Perin 44 ERD Nicolò Fagioli

Palmaresa

Italian: 58

• Italiako futbol liga (36): 1905, 1926, 1931, 1932, 1933, 1934, 1935, 1950, 1952, 1958, 1960, 1961, 1967, 1972, 1973, 1975, 1977, 1978, 1981, 1982, 1984, 1986, 1995, 1997, 1998, 2002, 2003, 2012, 2013, 2014, 2015, 2016, 2017, 2018, 2019, 2020.
• Italiako futbol kopa (14): 1938, 1942, 1959, 1960, 1965, 1979, 1983, 1990, 1995, 2015, 2016, 2017, 2018, 2021.
• Italiako superkopa (9): 1995, 1997, 2002, 2003, 2012, 2013, 2015, 2018, 2020.

Nazioartean: 11

Kontinente arteko Futbol Kopa

• Txapelduna (2): 1985, 1996.
• Finalista (1): 1973.

UEFAko Txapeldunen Liga

• Txapelduna (2): 1985, 1996.
• Finalista (7): 1973, 1983, 1997, 1998, 2003, 2015, 2017.

Europako Errekopa

• Txapelduna (1): 1984.
• Txapeldunordea: -.

UEFA Kopa

• Txapelduna (3): 1977, 1990, 1993.
• Txapeldunordea (1): 1995.

Europako Superkopa

• Txapelduna (2): 1984, 1996.
• Txapeldunordea: -.

Alpeetako Kopa

• Txapelduna (1): 1963.

Lagunartekoak

• International Champions Cup (1): 2016.

Jokalari aipagarriak

• Dino Zoff (1972-83).
• Paolo Rossi (1973-75 eta 1981-85).
• Gaetano Scirea (1974-88).
• Zbigniew Boniek (1982-85).
• Michel Platini (1982-87).
• Salvatore Schillaci (1989-92).
• Roberto Baggio (1990-95).
• Alessandro Del Piero (1993-2012).
• Zinedine Zidane (1996-2001).
• Edgar Davids (1997-2004).
• Gianluigi Buffon (2001-18 eta 2019-21).
• Fabio Cannavaro (2004-06 eta 2009-10).
• Andrea Pirlo (2011-15)
• Cristiano Ronaldo (2018-).

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Kontinentearteko Kopa	1973	CA Independiente	1-0	Juventus
	1985	Juventus	2-2 (pen 4:2)	Argentinos Juniors
	1996	Juventus	1-0	River Plate
Europako Kopa eta Txapeldunen Liga	1972-73	Ajax Amsterdam	1-0	Juventus	Belgrad
	1982-83	Hamburger SV	1-0	Juventus	Atenas
	1984-85	Juventus	1-0	Liverpool FC	Brusela
	1995-96	Juventus	1-1 (pen:4-2)	Ajax Amsterdam	Erroma
	1996-97	Borussia Dortmund	3-1	Juventus	Munich
	1997-98	Real Madril	1-0	Juventus	Amsterdam
	2002-03	AC Milan	0-0 (pen:3-2)	Juventus	Manchester
	2014-15	FC Barcelona	3-1	Juventus	Berlin
	2016-17	Real Madril	4-1	Juventus	Cardiff
Europako Superkopa	1984	Juventus	2-0	Liverpool FC
	1996	Juventus	9-2 (6-1, 3-1)	Paris Saint-Germain
Ferien Kopa	1964-65	Ferencvárosi TC	1-0	Juventus
	1970-71	Leeds United	3-3 (2-2, 1-1)	Juventus
UEFA Kopa	1976-77	Juventus	2-2 (1-0, 2-1)	Athletic Club
	1989-90	Juventus	3-1 (3-1, 0-0)	ACF Fiorentina
	1992-93	Juventus	4-3 (1-3, 3-0)	Borussia Dortmund
	1994-95	AC Parma	2-1 (1-0, 1-1)	Juventus
Europako Errekopa	1983-84	Juventus	2-1	FC Porto

Euskal taldeen aurkako partidak

Hauek dira Europako txapelketa ofizialetan Juventusek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1976-77	UEFA Kopa	Finala	Juventus Athletic	1-0 2-1*	Athletic Juventus
1988-89	UEFA Kopa	Final hamaseirenak	Juventus Athletic	5-1 3-2	Athletic Juventus
1998-99	Txapeldunen Liga	Multzokako fasea	Athletic Juventus	0-0 1-1	Juventus Athletic
2003-04	Txapeldunen Liga	Multzokako fasea	Juventus Real Sociedad	4-2 0-0	Real Sociedad Juventus

• 1976-77ko UEFA Kopan Juventus izan zen txapelduna kanpoko golaren balioagatik.

Ikus, gainera

• Italiako futbol taldeen zerrenda

Kanpo estekak

• (Italieraz) Juventusen webgunea

• Datuak: Q1422
• Multimedia: Juventus FC