D bitamina
| D bitamina | |
|---|---|
 | |
| Mota | Bitamina |
| Erabilera | |
| Rola | bone density conservation agents (en)  eta Bitamina |
| Identifikatzaileak | |
| CAS zenbakia | 1406-16-2 |
| Gmelin | 27300 |
| EC zenbakia | 215-797-2 |
| ECHA | 100.014.361 |
| MeSH | D014807 |
| UNII | 9VU1KI44GP |
D bitamina gizakiak erabiltzen duen bitaminatako bat da. Ez da bitamina bakarra, bitamina-multzoa baizik: D1, D2, D3, D4 eta D5 dira D bitaminaren mota nagusiak.
Egitura kimikoa eta ezaugarriak[aldatu | aldatu iturburu kodea]
D bitamina guztiak liposolugarriak dira eta esterolen egitura kimikoa dute. Termoegonkorrak dira eta egosketak ez ditu suntsitzen.
Eskuratzeko bidea[aldatu | aldatu iturburu kodea]
D bitamina bi eratan lor daiteke:
- bitamina hori duten janarietatik: esnea, arrautzak, izokina, sardinak... Fruta eta barazkietan oso urria da.
- landareek duten ergosterola (probitamina) hartuz, D bitamina bihurtzen dena eguzkiko izpi ultramoreen eraginez gure larruazalean.
Gomendatutako dosia egunean 5 mg-koa da eta, lehen esandakoaren arabera, udan gutxiago behar izaten da eguzkia medio.
Garrantzi biologikoa[aldatu | aldatu iturburu kodea]
D bitaminaren funtzio nagusia kaltzioa eta fosforoaren heste-xurgapena erraztean datza. Modu horretan D bitaminak hortzetan eta hezurretan kaltzioaren pilaketa eragiten du. Bitaminarik ezean hezurrak bigundu eta deformatu egiten dira. Honetaz gain, ikerketa berriek immunitate-sistema modulatzen duela erakusten dute [1] [2].
Gabeziak aspaldidanik ezagutzen den errakitismoa eragiten du haurrengan. Gaixotasun honen eraginez hezurrak behar bezala ez direnez garatzen, okertu eta deformatu egiten dira. Eritasun hori duten pertsonek eguzkia eta aurrez aipatutako janariak hartu behar dituzte, ahal duten neurrian. Helduengan bitaminaren gabeziak osteoporosia eta osteomalazia eragiten du. Gaixotasun hauetan guztietan akatsak agertzen dira osifikazio-prozesuan: hezurrak ahuldu eta deformatu egiten dira.
Ikus, gainera[aldatu | aldatu iturburu kodea]
Erreferentziak[aldatu | aldatu iturburu kodea]
- ↑ Nagpal, Sunil, Songqing Naand and Radhakrishnan Rathnachalam (2005) Noncalcemic Actions of Vitamin D Receptor Ligands Full Text Endocrine Reviews 26 (5): 662-687
- ↑ Ersoy-Evans, S.J. La vitamina D cumpliría un papel importante en la prevención de las enfermedades autoinmunes IntraMed (2010)
Kanpo estekak[aldatu | aldatu iturburu kodea]
| Autoritate kontrola |
|
|---|
| Lipidoak | ||
|---|---|---|
|
| ||