Kanadar pasabide

Kanadar pasabidea errepide edo trenbide bat zeharkatuz abereei igarotzea eragozten dien oztopo mota bat da, adibidez, ardi, behi, txerri, zaldi edo mandoei. Askotan, bide edo errepidearen bi aldeetan itxitura bat izaten da animalientzat.

Kanadar pasabidea zoruan barra edo hodi sare bat zeharka jarriz osatzen den errepidearen zati bat da, normalean metalezkoa, eta azpian depresio bat izaten du. Nahiz eta ibilgailuen gurpilek edo giza oinek arazorik gabe zeharkatzen duten, animaliek ezin dute pasatu, langeten artean dagoen tarteagatik. Hala ere, laguntzaz eta hitzez akuilatuz, zaldiek pasabidea zeharka dezakete.