Karius og Baktus

Karius og Baktus
Datuak
Idazlea	Thorbjørn Egner (en)
Argitaratze-data	1949
Generoa	children's novel (en) eta maitagarri-ipuina
Jatorrizko izenburua	Karius og Baktus
Herrialdea	Norvegia

Karius og Baktus —euskaraz: «Karius eta Baktus»— Thorbjørn Egner antzerkigile norvegiarrak idatzitako eta ilustratutako haurrentzako ipuina da, 1949an argitaratua.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Pertsonaia nagusiak Karius ilebeltza eta Baktus ilegorria dira (izenak «karies» —txantxar— eta «bakterio» terminoetatik datoz). Jens izeneko mutil baten hortzen barrunbeetan bizi ziren bi «hortz-troll» txiki ziren. Bizitza oso ona eramaten zuten, Jensek ogi zuria jarabearekin jaten zuenean hortzak garbitu gabe. Azkenean, dentistak Jensen hortzak tratatu zituen, eta Kariusek eta Baktusek jada ez zuten lekurik izen mutilaren ahoan^[1].

Kaleratu eta urte batzuetara, Thorbjørn Egnerrek jatorrizko edizioa egokitu behar izan zuen. Haur asko haserretu ziren Jensek dentistarengana joatea erabaki eta Karius eta Baktus hustubide handira desagertzeagatik. Editatutako bertsioan baltsa batean amaitzen dute itsasoan, beste aho baten bila^[2].

Marrazki biziduna[aldatu | aldatu iturburu kodea]

1954an, Ivo Caprino zinemagileak bi troll hauei buruzko marrazki bizidun labur bat sortu zuen^[2].

Kulturan[aldatu | aldatu iturburu kodea]

Ipuina argitaratu zenetik, hortz-trollen ideia gailu pedagogiko gisa erabili da Eskandinaviako haurren hainbat belaunaldientzat^[3]. «Ez egin zure amak esaten duena, Jens!» esaldia oso famatua da Norvegian^[2].