Kaseina

Kaseina
Irudi gehiago
Konposizioa	karbono, hidrogeno, Nitrogeno, oxigeno eta fosforo
Mota	milk protein (en)
Identifikatzaileak
CAS zenbakia	9000-71-9
ZVG	91100
EC zenbakia	232-555-1
ECHA	100.029.583
CosIng	74840
MeSH	D002364
UNII	48268V50D5

Kaseina (latinetik, caseus = gazta) esnearen proteina nagusia da. Esnean ez ezik, esnekietan ere (jogurt, gazta...) ugaria da. Kaseina fosfoproteina bat da, hots, bere talde prostetikoan azido fosforikoa duen proteina. Gazta egiteko prozesuan hauspeatzen da, esneari gatzagia botatzen zaionean.

Esne guztiek ez dute kaseinaren kopuru berdina: behi-esnean, esaterako, kaseina proteina guztien %82 den bitartean, giza-esnean %40 besterik ez da.

Gatzagiaren eraginez gain, ingurunea azidotzen denean ere kaseina hauspeatzen da (bakterio laktikoek, laktosa azido laktiko bihurtzean, esnearen pHa jaitsi eta kaseinaren hauspeatzea eragiten dute)

Gutxienez lau kaseina mota daude esnean: α1, α2, β, γ eta K. Denak hauspeatzen dira pH berean (pH = 4,6)

Kaseina hauspea dadin inguruneak kaltzioa izan behar du. Kaltziorik ezean ez dago hauspeatzerik, kaseina kaltzio kaseinato moduan hauspeatzen baita.

Proteina honek hainbat erabilera industrial ditu: plastikoak egiteko, adibidez. Hainbat pintura eta itsasgarri batzuk ere kaseinarekin fabrikatzen dira. Ardoak klarifikatzeko ere erabiltzen dute.

Kanpo estekak

• Datuak: Q193970
• Multimedia: Casein / Q193970