Kataluniako prozesu subiranistaren kontrako auzia

Wikipedia, Entziklopedia askea
Jump to navigation Jump to search
Epaiketa Madrilgo Auzitegi Gorenean izaten ari da

Kataluniako prozesu subiranistaren kontrako auzia, legez 20907/2017 Auzi Berezia, 2019ko otsailaren 12an hasitako ahozko auzi judizial bat da, Espainiako Auzitegi Gorenean izaten ari dena. Pablo Llarena epaileak koordinatu zuen instrukzioa 2017ko urritik 2018ko uztailera eta, ondorioz, 18 pertsona izaten ari dira auzipetuak, tartean direla Carles Puigdemonten gobernuko kide ia guztiak, Jordi Sànchez eta Jordi Cuixart kultura eta politikako aktibistak, Carme Forcadell Kataluniako Parlamentuko buru ohia, eta bertako hainbat kide.

Manuel Marchena epaileak zuzentzen du epaiketako ahozko ikustaldia. Akusatu batzuk behin-behinean espetxeratu zituzten fidantzarik gabe instrukzioa abiatu zenean.[1][2] Entzunaldiak, konklusioak entzun ondoren, 2019ko ekainaren 12an amaitu ziren; fiskaltzak kargu larrienak berretsi zituen: asaldaketa (indarkeria bidezko altxamendua), "estatu kolpea" izan zelakoan.[3] Auzipetu guztiek zigorren gogortasuna nabarmendu zuten, eta salatu fiskaltzak gertakariak puztu eta desitxuratu zituela, "mugimendu independentista zigortzearren". Uriol Junquerasek, "guztion onerako", auzia epaitegietatik atera eta politikara itzultzeko eskatu zuen, "elkarrizketa eta adostasunaren bidetik".[4] Amnesty Internationalek[5] eta Giza Eskubideen aldeko Nazio Batuen Goi Komisarioak[6] kezka handia agertu dute politikarien kontra hartutako neurriak eta akusazio larriak direla eta.


Erreferentziak[aldatu | aldatu iturburu kodea]

  1.   The trial of Catalan referendum leaders casts a long shadow over the EU's credibility . Noiz kontsultatua: 2019-02-09 .
  2. (Ingelesez)  Congostrina, Alfonso L. (2019-02-01) «Catalan independence leaders moved to Madrid jails ahead of trial» El País ISSN 1134-6582 . Noiz kontsultatua: 2019-02-09 .
  3. (Gaztelaniaz)  Rincón, Reyes (2019-06-05) «La Fiscalía eleva el ‘procés’ a un golpe de Estado que recurrió a la violencia» El País ISSN 1134-6582 . Noiz kontsultatua: 2019-06-12 .
  4.   Otamendi, Gorka Berasategi «Auzia politikaren esparrura itzultzeko eskatu diote auzipetuek epaimahairi» Berria . Noiz kontsultatua: 2019-06-12 .
  5.   Document (Amnesty International) . Noiz kontsultatua: 2019-02-21 .
  6.   OHCHR - High Commissioner’s global update of human rights concerns .

Ikus, gainera[aldatu | aldatu iturburu kodea]