Kees Van Dongen

Wikipedia, Entziklopedia askea
Hona jauzi: nabigazioa, Bilatu
Kees Van Dongen
Kees van Dongen 1923.jpg
Bizitza
Jaiotza Delfshaven1877ko urtarrilaren 26a
Herrialdea  Frantzia
Herbehereetako Erresuma
Heriotza Monte-Carlo1968ko maiatzaren 28a (91 urte)
Familia
Anai-arrebak
Hezkuntza
Hizkuntzak frantsesa
Lanbidea
Lanbidea margolaria
Lan nabarmenak Stilleven met bloemen
Avenue du Bois
Jasotako sariak
Kidetza Artists Rights Society
Mugimendua fauvismoa

Kees Van Dongen (Delfshaven, Rotterdam, Herbehereak, 1877ko urtarrilaren 26a - Monte Carlo, Monako, 1968ko maiatzaren 28a) jatorri holandarreko frantziar pintorea izan zen.

1897az gero Parisen bizi izan zen. Bizibidea ateratzeko, beste lanbide askoren artean, karikaturak eta umorezko irudiak egin izan zituen kafetegietan eta aldizkari satirikoetan (L´Assiete Beurre, Le Rive, L´Indiscret). 1904an erakutsi zituen lehen aldiz bere margolanak jendaurrean, Vollard etxean; koadro gehienak ikuspegiak ziren, inpresionistak (Delfsahaveneko ikuspegia, Ortzadarra, Hodeiak, Galetteko errota). 1906. urte aldera ordea, fauvismoaren eraginez, kolore biziak erabiltzen hasi zen eta higikunde horretako margolari ezagunenetako bat izatera iritsi zen. Oso estilo berezia zuen, bizia, oldarkorra ere bai, ikuslea bete-betean jotzen zuena. Burgesiako jendearen erretratuak egin zituen, emakumezkoenak gehienbat, eta Belle Époque garaiko lekukotasuna eman zuen bere obretan (Boni de Castellane, Edmonde Guy, Anna de Noailles, Maurice Chevalier). Bestalde liburu batzuetarako irudiak ere egin zituen (Mila gau eta bat gehiago, Marcel Prousten obra osoak).

Erreferentziak[aldatu | aldatu iturburu kodea]