Keri Hulme

Keri Hulme
Irudi gehiago
Bizitza
Jaiotza	Christchurch, 1947ko martxoaren 9a
Herrialdea	Zeelanda Berria
Heriotza	Waimate (en) , 2021eko abenduaren 27a (74 urte)
Hezkuntza
Heziketa	Aranui High School (en)
Hizkuntzak	ingelesa
Jarduerak
Jarduerak	eleberrigilea, idazlea eta poeta
Lan nabarmenak	ikusi The Bone People (en)
Jasotako sariak	ikusi Booker Prize  (1985) : The Bone People (en) Katherine Mansfield Memorial Award Robert Burns Fellowship  (1977)
Sinesmenak eta ideologia
Erlijioa	ateismoa

Keri Ann Ruhi Hulme (Christchurch, 1947ko martxoaren 9a - Waimate, 2021eko abenduaren 27a) zeelandaberritar idazlea izan zen.

Jatorri mistokoa zen, Europakoa eta maoriakoa. Bigarren mailako ikasketak amaitu ondoren, tabakoa biltzen lan egin zuen. 1972an idazteari ekin zion, baina idazketa beste lan batzuekin uztartu behar izan zuen.

Bere liburuetan isolamendua, identitate postkolonial eta multikulturala, eta mitologia maoriarra, zeltikoa eta eskandinaviarra jorratu zituen. the bone people eleberriarekin Booker Saria irabazi zuen 1985ean.

Berrogei urtez bakarti bizi izan zen Hego Uharteko urrutiko leku batean. Bere burua honela definitu zuen: atea, arromantikoa eta asexuala.

Lanak

Eleberriak

• the bone people (Spiral Press, 1984)
• BAIT eta On the Shadow Side (amaitu gabe)

Olerkigintza

• The silences between (Moeraki Conversations) (Auckland University Press, 1982)
• Lost Possessions (Victoria University Press, 1985)
• Strands (Auckland University Press, 1993)

Beste lan batzuk

• Te Kaihau: The Windeater (Victoria University Press, 1986), ipuin bilduma.
• Te Whenua, Te Iwi/The Land and The People, Jock Philipsekin batera argitaratua (Allen & Unwin/Port Nicholson Press, 1987), "Okatiro and Moeraki" lan autobiografikoa barne.
• Homeplaces: Three Coasts of the South Island of New Zealand (Hodder & Stoughton, 1989), autobiografia.
• Ahua.' Opera libretoa, Anthony Ritchieren musika. Moki, Ngāi Tahu arbasoaren historia, Christchurch City Choirren enkargua.
• Hokitika Handmade (Hokitika Craft Gallery Co-operative, 1999), kooperatibaren eta kooperatibako kideen deskribapena eta historia.
• Stonefish (Huia Publishers, 2004), ipuin bildumak.

Kanpo estekak

• Datuak: Q263613
• Multimedia: Keri Hulme / Q263613