Kibbutz
Kibbutza (euskaraz, bilkura, erkidego) Israelgo nekazaritza-etxalde kolektiboa da. Taldeko lana burutzen duten eta erabakiak batzarretan hartzen dituzten 50 eta 1.000 lagunen arteko erkidegoa da: orokorrean, ez dago jabetza pribaturik.
Autogestioa eta ekoizpen-bitartekoen jabego kolektiboa dira kibbutzen antolaketaren ezaugarri nagusiak. Etekinak, bestalde, nekazaritzan inbestitzen dira berriro, eta kibbutzeko kideen jantziak, elikadura, etxea eta gizarte- eta osasun-zerbitzuak, bai eta haurren heziketa ere, kibbutzaren esku daude.
Historia[aldatu | aldatu iturburu kodea]
Lehen kibbutzak Errusiatik joandako judu kolonoek sortu zituzten XX. mendeko lehen hamarkadan, eta garrantzi handia izan zuten Palestinan juduen bizileku berriak eratzerakoan. Zehazki, 1909an eratu zuten lehenengo kibbutza, Jordan ibaiaren ertzetan.
1948tik aurrera, kibbutzak leku estrategikoetan ezarri ziren, eta teknika berriak garatu zituzten basamortuan landareak hazteko.
2001. urtean, 267 kibbutz zeuden, eta 115.000 pertsona baino gehiago bizi ziren haietan.
Ikus, gainera[aldatu | aldatu iturburu kodea]
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
