Artikulu hau sultanerriari buruzkoa da; beste esanahietarako, ikus «Kilwa (argipena)».
Kilwako Sultanerria (swahiliz: Usultani wa Kilwa, arabieraz: أُسُلتَانِ وَ كِيلوَ , Sulṭanat Kilwa) 957 eta 1513 artean izen bereko uhartean zegoen estatu afrikarra izan zen. Bere autoritatea, une gorenean, Swahili kostalde osoan zehar hedatzen zen. Elezaharraren arabera, Ali ibn al-Hassan Shirazik,[1]Xirazkopersiar printzeak,[2] X. mendean sortu zuen. Bere familiak sultanerria gobernatu zuen 1277. urtera arte, Abu Moaheb familia arabiarrak ordezkatu zuenean. Hauek 1505era arte mantendu zuten gobernua, portugaldarren inbasio batek boteretik kendu zituzten arte. 1513an, sultanerria jada zatituta zegoen estatu txikiagoetan, horietako asko, Omango Imamerriaren txotxongilo bihurtu zirelarik.
Swahili kulturako sultanerri garrantzitsuena izan zen. Mendebaldean, bere historia batez ere 1520ko Kilwako Kronikaren bigarren bertsioari esker ezaguna da, João de Barrosek 1552ko bere lanean argitaratua. Azken honengatik, bere subiranoen zerrenda bat ezagutzen dugu.
.svg){kind=small}
.svg){kind=small}
Datuak: Q3107156