King Kong (1933ko filma)

King Kong (1933ko filma)
Filma
Jatorrizko izena	King Kong
Urtea	1933
Generoa	speculative fiction filma monster filma abenturazko filma beldurrezko zinema fantasiazko filma
Herrialdea	Ameriketako Estatu Batuak
Jatorrizko hizkuntza	ingelesa
Iraupena	100 minutu
Kolorea	zuri-beltzekoa
Grabazio lekua(k)	New York
Narratibaren kokalekua	New York eta Empire State eraikina
Zuzendaritza eta gidoia
Zuzendaria(k)	Merian C. Cooper Ernest B. Schoedsack
Gidoigilea(k)	James Ashmore Creelman Ruth Rose Edgar Wallace
Antzezlea(k)
Robert Armstrong (Carl Denham) Fay Wray Bruce Cabot Frank Reicher James Flavin Sam Hardy Noble Johnson Steve Clemente Victor Wong Ralf Wolter John Marston Sam Hardy Etta McDaniel G. Raymond Nye Paul Porcasi Ruby Dandridge Vera Lewis Ernest B. Schoedsack Merian C. Cooper Roscoe Ates Everett Brown Charles Sullivan Frank Mills Harry Tenbrook Syd Saylor Ethan Laidlaw George Magrill Earl Dwire Frank O'Connor LeRoy Mason Bill Williams
Ekoizpena
Ekoizlea	David O. Selznick Merian C. Cooper Ernest B. Schoedsack
Konpainia ekoizlea	RKO Pictures
Ekoizle eragilea	David O. Selznick
Ekoizpen-diseinatzailea	Carroll Clark
Bestelako lanak
Musikagilea	Max Steiner
Argazki-zuzendaria	Vernon L. Walker
Jantzi-diseinatzailea	Walter Plunkett
Sariak
Jasotako sariak National Film Registry
Kanpo loturak
Zinema webguneak IMDb: tt0024216 FilmAffinity: 802202 RottenTomatoes: m/1011615 AllMovie: v27391

King Kong 1933ko Ameriketako Estatu Batuetako abentura filma da, Merian C. Cooper eta Ernest B. Schoedsackek zuzendutakoa eta Fay Wray, Robert Armstrong eta Bruce Cabot aktoreek antzeztua. RKO Pictures etxeak ekoiztu zuen eta gidoia Ruth Rosek eta James Ashmore Creelmanek osatu zuten Merian C. Cooperren eta Edgar Wallaceren ideia batetik abiatuta. Filmak Kong simio erraldoiaren istorioa kontatzen du, zelan aurkitu zuten uharte galdu batean eta zelan, gogoz bestera, zibilizaziora eraman zuten.

Empire State Building erakina izan zen fikzio lan hau sortzeko aukeratutako benetako tokietako bat.

Argumentua

Oharra: Atal honek istorio osoa edo amaiera argitzen du.

Carl Denham zinema zuzendariak asmoa du filma bat egitekoa eta horretarako emakumezko aktorea ezin aurkitu dabil. Azkenean Ann Darrowrekin egiten du topo eta pelikulan parte hartzeko konbentzitzen du. Handik gutxira Indonesiara bidean dira, Venture ontzian itsasoratuta. Helmuga mapetan agertzen ez den irla bat da, eta Denhamen benetako asmoa Kong izaki misteriotsua filmatzea da. Uhartera ailegatuta herrixka bat aurkituko dute hesi handi batek inguratuta. Bertako tribuko nagusiak Ann ikusitakoan, neskatoa lortzeko sei emakume eskaintzen die trukean etorri berriei. Ezetza jasota, bahitu egingo du. Herriko biztanleek miretsi duten Kong handiari eskaini nahi diote neskatoa, eta horretarako erritual berezia atonduko dute. Eskifaiako lagunak une horretan bertan agertuko dira eta Kong, neskatoa hartuta, ihesi doa; hortik aurrera Annen lagunek munstroa jazarriko dute oihanean zehar, halako zortez non bi besterik ez diren onik aterako, Driscoll eta Denham hain zuzen. Antzinako dinosaurioak ageriko dira, eta Kongek, Ann babestu nahian, aurre egingo die. Halako batean Driscollek Ann berera ekartzea lortuko du, eta Kong haien atzetik joanda Denhamek, granada bat jaurtikiz, konorte gabe utziko du. Zer bururatu eta animalia erraldoia New Yorkera eramatea erabakiko dute, eta jende aurrean erakutsi. Kong erotu egingo da, mundu ezezaguna aurrean eta Ann galduta. Ihes egitea lortuko du eta Annen atzetik jardungo du; aurkitutakoan Empire State Building etxe orratzera igoko da. Armadako hegazkinek eraso egingo diote, eta azkenean simio handia hil egingo dute.

Aktoreak

Fay Wray Ann Darrow

Robert Armstrong Carl Denham

Bruce Cabot Jack Driscoll

• Frank Reicher ... Englehorn kapitaina
• Sam Hardy ... Charles Weston
• Noble Johnson ... Tribuko nagusia
• James Flavin ... Briggs

Kanpo loturak

Wikimedia Commonsen badira fitxategi gehiago, gai hau dutenak: King Kong (1933ko filma)

• (Ingelesez) Filma IMDB atarian
• (Ingelesez) New York Times egunkarian 1933an eginiko filmaren kritika