Edukira joan

Knight and Day

Wikipedia, Entziklopedia askea
Knight and Day
Jatorria
Argitaratze-data2010
IzenburuaKnight and Day
Jatorrizko hizkuntzaingelesa
Jatorrizko herrialdeaAmeriketako Estatu Batuak
Banatze bideaeskatu ahalako bideo
Ezaugarriak
Genero artistikoaabenturazko filma, ekintza-filma eta film komikoa
Iraupena109 minutu
Koloreakoloretakoa
Grabazio lekua(k)Long Beach, Kalifornia, Austria eta Espainia
Zuzendaritza eta gidoia
Zuzendaria(k)James Mangold
Antzezlea(k)
Tom Cruise
Cameron Diaz
Peter Sarsgaard
Paul Dano
Jordi Mollà
Maggie Grace
Marc Blucas
Viola Davis
Celia Weston
Falk Hentschel (en) Itzuli
Gal Gadot
Taylor Treadwell









[[Kategoria:Falk Hentschel (en) Itzuli antzeztutako filmak]]

Ekoizpena
EkoizleaJoe Roth
Cathy Konrad
Steve Pink


Konpainia ekoizleaRegency Enterprises (en) Itzuli
RatPac-Dune Entertainment (en) Itzuli
20th Century Fox
[[Kategoria:Regency Enterprises (en) Itzuli ekoitzitako filmak]]
[[Kategoria:RatPac-Dune Entertainment (en) Itzuli ekoitzitako filmak]]
Ekoizle eragileaArnon Milchan
Bestelako lanak
MusikagileaJohn Powell
Argazki-zuzendariaPhedon Papamichael
Fikzioa
Kontakizunaren tokiaSalzburgo, Boston, Wichita, Brooklyn eta Sevilla
IMDB: tt1013743 Filmaffinity: 317038 Allocine: 145368 Rottentomatoes: m/knight_and_day Mojo: cruisediaz10 Allmovie: v495346 TCM: 684437 Metacritic: movie/knight-and-day TV.com: movies/knight-and-day
Twitter: kanddmovie Netlix: 70127226Edit the value on Wikidata
BideoaYouTube

Knight and Day (Gau eta egun euskaraz) James Mangold estatubatuarrak zuzendutako akzio eta komedia film bat da, agente sekretuen eta gaizkileen arteko liskarrak modu ia satiririkoan kontatzen dituena. 2010ean estreinatu zuten eta Tom Cruise eta Cameron Diaz aktoreek jokatzen dituzte rol nagusiak; haiekin batera daude, bertzeak bertze, Peter Sarsgaard, Viola Davis, Gal Gadot, Jordi Mollà eta Paul Dano. Pantaila handian Cruisek eta Diazek partekatu zuten bigarren filma izan zen, Vanilla sky-ren ondotik (Cameron Crowe, 2001).

Filma munduko hainbat lekutan grabatu zuten, batez ere Massachusettseko (AEB) zenbait hiritan; baina baita Espainian, Austrian eta Jamaikan ere. Akziozko sekuentziek zein bi aktore nagusien intepretazioek kritika onak jaso zituzten; aldiz, gidoiak kritika negatiboak jaso zituen, Iruñeko sanferminak Sevillan kokatzeagatik adibidez[1].

Bollywooden, film honen berregokitzapena egin zuten, Bang Bang! izenekoa (2014).

Sinopsia

[aldatu | aldatu iturburu kodea]

Roy Miller (Tom Cruise) agente sekretua da eta June Havens (Cameron Diaz) "ustekabean" ezagutu du, Wichitako aireportuan. Bateria bat babestu behar du Millerrek, ustez energia iturri agortezina duena, eta lan horretan Havens nahasi duenez, biek ala biek gaizkileengandik ihesi ibili beharko dute munduan barna, abentura erromantiko eta arriskutsu batean.

Sanferminak Sevillan

[aldatu | aldatu iturburu kodea]

Oharra: Atal honek istorio osoa edo amaiera argitzen du.

80. minututik aurrera, pelikulako trama Sevillan (Espainia) iragaten da[2], Antonio Quintana gaizkileak (Jordi Molla) hara eramanarazi baitu Havens, hura bahitu eta gero. Ikuslea Sevillan kokatzeko lehen kamera ikuspegian bertako katedrala agertzen da, Giralda, baina kanpaien hotsekin batera Uno de enero Iruñeko sanferminetako kanta ezaguna entzuten da. Hurrengo eszenan, Iruñeko erraldoien konpartsako Europako erregina dirudien, baina ez den, erraldoi bat ageri da dantzan; gibelean musika banda bat du, baina ez espero izatekoak ziren gaitariak edo txistulariak. Jendea dantzan ari da, musikaren erritmora, baina inor ez doa zuri-gorriz jantzita. Kalea ez da Iruñeko kale bat, Sevillakoa baizik.

2009ko azaroan filmaren ekoiztetxeak Iruñeko Udalari eskatu zion erraldoien konpartsako zenbait figura Sevillara eramaten uztea, grabazioan parte hartzen uzteko. Udalak berehalakoan erran zuen baietz, nahiz eta ekoiztetxeak ez zuen xehetasun handirik eman[3]. Eta hain zuzen ere horregatik, ekoiztetxea ez zelako gai izan zehazteko zein egunetan eraman beharko zituzten erraldoiak Andaluziara, azkenean bertan behera utzi zuten lehenbiziko asmo hura[4].

Pelikulan, Miller agenteak, noski, lortuko du Quintanaren jauregian sartzea eta Havens erreskatatzea, eta moto baten gainean eginen dute ihes, Sevillako karriketan barna. Halako batean, zuri-gorriz jantzitako jende askoren artean sartuko dira. Entzierroko korrikalariak dira, eta haien atzetik zezenak heldu dira, hogeitik goiti zezen eta joaldun. Pertsekuzioa zezen plazaraino ailegatuko da; Sevillako plazaraino, eta ez Iruñekoraino, nahiz eta plazaren erdian dauden guztiak zuri-gorriz jantzita dauden (zuri-gorri guztiz aratzean). Miller eta Havens-ek ihes egitea lortuko dute, plazako ikusleek "ole" eta "ole" oihukatzen duten bitartean.

Aktoreak

[aldatu | aldatu iturburu kodea]

Kanpo estekak

[aldatu | aldatu iturburu kodea]

Erreferentziak

[aldatu | aldatu iturburu kodea]
  1. ↑ (Gaztelaniaz) Cinemanía. (2025-01-17). «Arrasa en Netflix la película que ofendió a España con un encierro de toros de San Fermín en Sevilla» Cinemanía (kontsulta data: 2025-06-03).
  2. ↑ (Gaztelaniaz) SensaCine. (2022-07-07). «La película de Hollywood que enfadó a España con su representación de San Fermín: a gritos de 'Olé' y en moto» SensaCine.com (kontsulta data: 2025-06-03).
  3. ↑ (Gaztelaniaz) PAMPLONA, I. M. M.. (2009-11-10). «La película de Tom Cruise reclama a los gigantes para grabar escenas de San Fermín | Últimas noticias de Pamplona en Diario de Navarra» diariodenavarra.es (kontsulta data: 2025-06-16).
  4. ↑ (Gaztelaniaz) Correo, El. (2009-11-24). «Los Gigantes y Cabezudos de Pamplona no participarán en 'Knight and Day'» El Correo de Andalucía (kontsulta data: 2025-06-16).
"https://eu.wikipedia.org/w/index.php?title=Knight_and_Day&oldid=10321092"(e)tik eskuratuta