Kolibia hanka-bihurri

Wikipedia, Entziklopedia askea
Kolibia hanka-bihurria
Rhodocollybia prolixa 110922w.JPG
Sailkapen zientifikoa
ErreinuaFungi
KlaseaAgaricomycetes
OrdenaAgaricales
FamiliaMarasmiaceae
GeneroaRhodocollybia
Espeziea Rhodocollybia prolixa

Kolibia hanka-bihurria (Rhodocollybia prolixa) Marasmiaceae familiako onddo espezie bat da.[1]

(Rhodocollybia prolixa, distorta aldaera)

Ez da jangarria. Izenak adierazi nahi duenez, hanka bihurria du, ia beti okerra izaten du.

Deskribapena[aldatu | aldatu iturburu kodea]

Kapela: 4 eta 8 cm arteko diametrokoa. Hasieran kanpai itxurakoa edo ganbila, gero irregularki zabaldua, titi kamuts bat du agerian batzuetan. Azala leuna du, kolore askotakoa: haragi kolorea, lehoi kolorea, arre-gorrixka edo arre-marroia, zahartzean zurbiltzeko joerarekin.

Orriak: Itsatsiak, estuak, oso estu, lehenbizi zurixkak gero orban arre-erdoil kolorekoekin

Hanka: Oso fibrosoa, bere baitara bihurritu samarra, zurixka edo krema kolorekoa, gorrixka oinarrirantz, ia zilindrikoa, baina lodixeagoa oinarrirantz, 5 - 8 x 0,5 x 1 cm-koa.

Haragia: Mehea, biguna, zurixka, baina gorrixka du kapelako azalaren azpian eta oinarrian, usain desatseginekoa.[2]

Etimologia: Collybia hitza antzinako grekotik dator, eta txanpona esan nahi du. Perretxikoaren formagatik. Distorta epitetoa latinetik dator, deformea esan nahi duen "distortus" hitzetik. Bere hanka bihurriagatik.

Jangarritasuna[aldatu | aldatu iturburu kodea]

Ez da jangarria, usain txarra baitu.[3]

Nahasketa arriskua[aldatu | aldatu iturburu kodea]

Collybia maculata delakoarekin, hasieran kapela zurixkakoa, gero zikindua, sustrai antzeko oinarriarekin eta haragi gogorrarekin. Collybia dryophila espeziarekin, honek kapela ez du gorrixka, oina distortsionatuta ere ez.

Sasoia eta lekua[aldatu | aldatu iturburu kodea]

Udaren amaieran eta udazkenean agertzen da koniferoen eta hostozabalen basoetan. Ez da ez ohikoa ez ugaria.[4]

Banaketa eremua[aldatu | aldatu iturburu kodea]

Europa, Ipar Amerika, Erdialdeko Amerika, Zeelanda Berria, Japonia eta Errusia.

Erreferentziak[aldatu | aldatu iturburu kodea]

  1. Euskal Herriko perretxiko eta onddoak, 2013, 2014, 2016, 2017, Zuzendaria Fernando Pedro Pérez, Kultura Saila, Eusko Jaurlaritza
    Bizkaiko Perretxiko eta Onddoak, 2012ko Abendua, A.D.E.V.E, Argazkiak:Fernando Pedro Pérez, Maite Legarra, Xabier Leizaola, Jon Urkijo, Nerea Aurtenetxe.
  2. (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 235 or. ISBN 84-404-0530-8..
  3. (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa., 254 or. ISBN 978-84-617-0196-4..
  4. Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 178 or. ISBN 84-282-0865-4..

Kanpo estekak[aldatu | aldatu iturburu kodea]