Edukira joan

Kolmanskop

Koordenatuak: 26°42′15″S 15°13′54″E / 26.7042°S 15.2317°E / -26.7042; 15.2317
Wikipedia, Entziklopedia askea
Kolmanskop
Kolmanskuppe
hiria
Hiriaren sarrera. Irudi gehiago
Administrazioa
Herrialdea Namibia
Region of NamibiaKaras Region
Geografia
Koordenatuak26°42′15″S 15°13′54″E / 26.7042°S 15.2317°E / -26.7042; 15.2317
Map
Azalera250 km²
Altuera179
Demografia
Dentsitatea0 bizt/km²
Informazio gehigarria
SorreraXIX. mendea

Kolmanskop (Kolmanskuppe alemanieraz eta Kolmanskop afrikaansez) Afrikako Namibian dagoen hiri ustu txiki bat da. Hiria alemanek sortu zuten inguruko mehatzak ustiatzeko asmoz. Lüderitz kostaldeko hiritik gertu dago. XIX. mendearen amaieran kolono alemaniarrek sortu zuten eta 1908an eraiki zen, XX. mendean bat-bateko arrakasta izanik.

Historia[aldatu | aldatu iturburu kodea]

Kolmanskop hiri koloniala izan zen. 1908an eraikia Namib basamortuan diamanteen bila aritzen ziten mehatzariak babesteko sortu zuten. Garai haietan diamanteak aurkitzea nahiko erraza zen eta jende asko aberastu zen. Horri esker ulertu daiteke nola bi urtetan hiri osoa eraikia izan zen. Alemaniako Hego-Mendebaldeko Afrikaren kolonia hau aberatsa zen eta hirian Europako estiloaren etxetzarrekin batera, kasinoa, eskola, ospitala, dantza-lekuak, antzokia eta zerbitzu ugari zituen. Biztanleak, nahiz eta basamortuan egon, Baviera moduan sentitu nahi ziren. Hiriaren garrantzia adierazteko datu bat: bertako ospitaleak X izpien aparatua izan zuen Afrikako lehena izan zen.

Lehen Mundu Gerran zonaldean 1.000 kilo diamante atera ziren. Gerra bukatu ondoren ustiapen zifrak asko jaitsi ziren eta beste herrietan, esaterako Oranjemunden, Orange ibaiaren ondoan, Hegoafrikarekin mugan berean, diamante gehiago eta handiago aurkitzeko aukera zabaldu zen. 1954rako hiria hutsik zegoen eta, ondorioz, basamortuak berriro ere kaleak inbaditu zituen.[1]

Kolmanskop hiriaren ikuspegi orokorra.

Turismoa[aldatu | aldatu iturburu kodea]

Gaur egun hiria partzialki berreskuratzen ari da turismoa erakartzeko. Dena dela, zonalde asko oraindik hareak hartuta daude eta joateko baimena eskatu behar da.

Dokumentalak[aldatu | aldatu iturburu kodea]

Hiri hustuaren gaia azken urtetan erakargarria bihurtu da eta, ondorioz, dokumental desberdinen protagonista izan da Kolmanskop:

  • Ameriketako Estatu Batuetako History Channelek hiriari buruzko dokumentala egin zuen "Life After People" sailerako. 2010eko urrian zabaldu zen.
  • 2011an, Reinhild Dettmer-Finke ZDF eta Association Relative à la Télévision Européenne-k Kolmanskop. A Diamond Ghost Town in Namibia dokumentala egin zuen.

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]