Konbutxa
Konbutxa hartzitutako te mota bat. Asian du jatorria edari horrek, Txinan eta Japonian, eta XX. mendean Europan sartu zen. Edari probiotikoa da.
Konbutxa prestatzeko, te infusio bati azukrea bota behar zaio lehenik. Gero, likidoa hozten denean, te azukreduna hartzituko duten mikrobioak gehitzen dira. Merkatuan SCOBY izenarekin saltzen dira mikrobio horiek (Symbiotic Colony of Bacteria and Yeast, ingelesez); bakterioek eta legamiek osatzen dute SCOBYa [1], Gero likidoa estaltzen da, mikroorganismoek hartzidura burutu dezaten, eta egun gutxitan edaria prest dago kontsumorako.
Ugariak dira konbutxaren sorrera prozesuan parte hartzen duten mikrobioak: legamiak (Saccharomyces, Candida, Zygosaccharomyces…) eta bakterioak (Gluconacetobacter, batik bat). Hartziduraren ondorioz gasa agertzen da (burbuila naturalak ditu konbutxak) eta baita azido azetikoa, laktikoa eta etanola ere. Sortutako azidoek likidoaren pHa nabarmen jaisten dute, eta azidotasun horrek beste mikrobio kaltegarrien hazkuntza inhibitzen du. Horregatik, ondo hartzitutako konbutxak ez du arrisku mikrobiologikorik kontsumitua izateko [2].
Edari probiotiko honek zapore mikatza eta gozoa, aldi berean, badu, sagardoaren antzekoa [3].
Osasun-onura ugari ditu konbutxak bere jarraitzaileen ustez: immunitate-sistema indartu omen du, beherakoak hobetu, eta baita erreumatismoa, asma, herpesa eta diabetea ere [4]. Era berean, libidoa suspertu omen du. Ustezko osasun-onura horiek ezin dira argi frogatu, dena den. Aitzitik, hainbat sendagilek tentuz hartzeko gomendatzen dute, gibela eta giltzurrunak, besteak beste, kaltetu ahal dituelako [5].
Erreferentziak[aldatu | aldatu iturburu kodea]
- ↑ P. Mayser, «The yeast spectrum of the "tea fungus kombucha"», Mycoses aldizkaria, 38, 7-8 zenbakia, 289-295 orr.
- ↑ M. Sievers, C. Lanini, A. Weber, U. Schuler-Schmid, y M. Teuber: «Microbiology and fermentation balance in a kombucha beverage obtained from a tea fungus fermentation» (590-594 orr.), Syst. Appl. Microbiol. (18), 1995
- ↑ Kombutxa es una bebida probiótica, saludable y refrescante
- ↑ Jarrell J, Cal T, Bennett JW (2000). "The Kombucha Consortia of yeasts and bacteria". Mycologist. 14 (4): 166–170 doi:10.1016/S0269-915X(00)80034-8
- ↑ Dasgupta, Amitava (2011)Effects of Herbal Supplements on Clinical Laboratory Test ResultsBerlin, Germany: Walter de Gruyter. pp. 24, 108, 112 ISBN 978-3-1102-4561-5
