Konrad Witz

Wikipedia, Entziklopedia askea
Jump to navigation Jump to search
San Kristobal (1435), Kunsthalle, Basilea.
Heilsspiegelgo aldarea: Esther vor Ahasver

Konrad Witz (Rottweil, Württemberg, Alemania, 1400/10 - Basilea, Suitza, 1445/46) alemaniar-suitzar Erdi Aroko margolaria izan zen. Bere lan ezagunenetako bat eta, aldi berean, azkenetakoa, Deikundea da, Nurenbergeko Germanisches Nationalmuseumgo erakustoki iraunkorrean ikusgai dagoena. Hans Hirtzekin batera, Rhin Goialdeko Gotiko berantiarren azken ordezkarietako bat da.

Biografia[aldatu | aldatu iturburu kodea]

Konrad Witzek Alemaniatik Basileara bidaiatu zuen, Eliza Katolikoak 1431. urtean antolatutako Kontseilu Ekumenikoak erakarrita eta bertan bizi izan zen bere heriotza egunera arte. Bere izena 1434 urteko margolarien agirietan ageri da Konrad von Rottweil  ezizenaz. Ezkondu eta bost seme-alaba izan zituen. Bere bizitzako azken hamabi urteetako lan margoak besterik ez ezagunak dira, hala da guztiz ere, kopuru nabarmena. Bere azken lan datatua 1444. urtekoa da,  Die Wunderbare Vermehrung der Fische da ('Ogiak eta arrainen biderkatze miraria').

Mendeetan zehar margolari hau ahaztua izan zen baina 1901. urtean Daniel Burckhardt-Werthemann historialariak berriro argira ekarri zuen. Bere lan batzuetan, irudi ironiko eta umoretsuak aurkitu izan dira, modernitate kutsua islatzen dutenak. Baliteke bere maisu lana Basileako San Leonardo elizako aldarea osatzen duen bederatzi taulak izatea.