Kontrako eztarritik

Kontrako eztarritik
Jatorria
Egilea(k)	Uxue Alberdi
Argitaratze-data	2019
Izenburua	Kontrako eztarritik: emakume bertsolarien testigantzak
Jatorrizko herrialdea	Espainia
Argitaletxea	Susa
ISBN	978-84-17051-24-2
Ezaugarriak
Genero artistikoa	saiakera
Hizkuntza	euskara
Argumentu nagusia	bertsolaritza eta feminismoa
Historia
Jasotako sariak	Euskadi Saria - Euskarazko Saiakera

Kontrako eztarritik saiakera liburua da (Susa, 2019), Uxue Alberdi bertsolari eta idazleak emakumezko zenbait emakumeri egindako elkarrizketetan oinarritua, zeinean ikuspegi feminista batetik, emakume bertsolarien jarduna definitu eta mugatu duten mekanismoak deskribatzen dituen. Jule Goikoetxearen edizio-lan eta hitzaurrearekin, Susa argitaletxearen saiakera feministen Lisipe sortan argitaratu zen.

Detektaturiko mekanismo horien artean, sarritan sentituriko gutxiespena, deserotizatzea edota hipersexualizatzea; gizonen artean sortzen diren aliantzak; paternalismoa... bakoitzak atal bat betetzen du liburuan^[1].

Elkarrizketatuak[aldatu | aldatu iturburu kodea]

Honako bertsolariak elkarrizketatu zituen Alberdik libururako^[2]: Amaia Agirre Arrastoa, Ainhoa Agirreazaldegi Rekondo, Maialen Akizu Bidegain, Miren Amuriza Plaza, Maider Arregi Markuleta, Miren Artetxe Sarasola, Maddalen Arzallus Antia, Oihana Bartra Arenas, Onintza Enbeita Maguregi, Nerea Ibarzabal Salegi, Oihana Iguaran Barandiaran, Ane Labaka Maioz, Alaia Martin Etxebeste, Eli Pagola Apezetxea eta Jone Uria Albizuri.

Hauen artean zaharrena 1977an jaioa da eta 25 urte eman ditu plazetan bertsotan, gazteena 1996an jaioa da eta dozena bat urte zeramatzan kantatzen liburua egin zenerako^[1].