Kopari
Kopari edo Edarizain errege-gorteetako ofizial edo goi mailako arduradun bat zen, edariak mahaian zerbitzatzen zituena. Konspirazioen eta azpijokoen etengabeko beldurraren ondorioz, pertsona hori bere posizioari eutsi ahal izateko erabat fidagarritzat jo behar zen. Erregearen kopa babestu behar zuen pozoitze-arriskuaren aurrean, eta, horregatik, ardo zein edari pixka bat probatu behar izaten zuen zerbitzatu aurretik.
Erregearekin zituzten konfiantzazko harremanak zirela eta, eragin handiko postua izaten zen. Lana lortzeko baldintzak, bestetik, ez ziren arinki betetzen, eta, itxura fisikoa ez ezik, apaltasuna eta kemena ere balioesten ziren.[1]
Kopariak historian
[aldatu | aldatu iturburu kodea]Koparien erreferentziak oso zaharrak dira, bai historian baita ere mitologian. Hona hemen adibide batzuk:
- Hebe, gaztaroko jainkosa, Olinpo mendiko jainko greziarren jatorrizko kopari izan zen.[2]
- Ganimedes, Antzinako Greziako heroia, Zeusek bahitu zuen bere koparia izateko.
- Sargon Akadekoa erregea, aurretik Kish hiriko erregearen koparia izan zen.
- Sakas Astiagesen koparia izan zen, hau da, medoen azken erregearena.
- Nehemias, Bibliako pertsonaia, Artaxerxes Persiako erregearen koparia izan zen.
- Benedikto Anianekoa eta Gambrinus, kondairaren arabera, Karlomagnoren kopariak ziren.
- Roger d'Ivry Gilen I.a Konkistatzailearen koparia izan zen.
Erreferentziak
[aldatu | aldatu iturburu kodea]Ikus, gainera
[aldatu | aldatu iturburu kodea]Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1075791
Multimedia: Cup-bearers / Q1075791