Korapilo (luzera unitatea)

Wikipedia, Entziklopedia askea
Hona jauzi: nabigazioa, Bilatu

Korapiloa distantzia neurri zaharra da. Korapiloak 7 besaldi ditu. Beraz, 11,76 metro du baliokidea gutxi gorabehera. Dena dela, gainerako neurri zaharrak bezala, toki eta aldi batetik bestera aldatzen zen korapiloaren neurria ere. Gainera, korapilo izenaren hainbat aldaera erabili izan dira, euskalkien aniztasunaren erakusgarri: gorabil, gorapilo, goropilo, korapil, oropilo eta abar, eta abar.

Gipuzkoan antzina erabilitako neurri ezagunenetarikoa da korapiloa, eta gehienbat gorabil izenaz aipatzen zen. Oro har 7 besaldi adina zen, eta 13,7 metro neurtzen zuen; haatik, baziren korapilo bereziak: Legazpin 10 besaldiko korapiloa ageri da 1433. urtean; Hernanin, 8,5 besaldikoa (4,76 m) erabiltzen zen batzuetan, bai eta 8,25 besaldikoa (4,62 m) ere, XVI. gizaldian; eta Hernani-Urnieta-Donostia inguruan, 2,74 metroko korapiloak aipatu izan dira.[1]

Erreferentziak[aldatu | aldatu iturburu kodea]

  1. Luis Mari ZALDUA ETXABE (2006): Saroiak eta kortak, berak argitaratua. ISBN 8461115648

Ikus, gainera[aldatu | aldatu iturburu kodea]

Korapilo (abiadura unitatea)