Kortisol

Wikipedia, Entziklopedia askea
Jump to navigation Jump to search
Kortisol
Identifikadoreak
CAS zenbakia 50-23-7
PubChem 5754
ChemSpider 5551
UNII WI4X0X7BPJ
DrugBank DB00741
KEGG D00088
ChEBI CHEBI:17650
ChEMBL CHEMBL389621
Propietateak
Formula molekularra C21H30O5
Masa molarra 362.46 g mol−1
Kontrakoa esaten ez bada, emandako datuak baldintza normaletan (25 °C, 100 kPa) hartuak dira.
Erreferentziak

Kortisol edo hidrokortisona giltzurrungaineko guruinaren azalak jariatzen duen hormona esteroidea da, glukokortikoideetako familiakoa. Kolesteroletik abiatuta sintetizatzen da, giltzurrungaineko guruinaren azalak jariatzen dituen beste hormonen antzera (aldosterona, kortisona, testosterona...).

Egitura kimikoari dagokionez hormona esteroidea da, hots, talde ziklopentano-perhidrofenantreno du egitura nagusitzat (17+4 C).

Hormona adrenokortikotropikoak (ACTH, hipofisiak jariaturiko hormonak) kortisolaren sintesia bultzatzen du. Giltzurrungaineko azalak ez du nerbio-bukaerarik, beraz hormona glukokortikoideen (kortisol, kortisona...) jariaketaren kontrola ez dago nerbio-sistemaren menpe, hormonen menpe baizik (ACTH hormonaren menpe, batez ere). Aldi berean, hipotalamoak ekoizten duen kortikotropinak erregulatzen du ACTHaren sintesia.

Jakina da estresak duen eragina kortisolaren ekoizpenean: izan ere, estresaren hormonatzat jotzen da kortisola, gorputzak kopuru handian sortzen baitu alarma egoera baten aurrean.


Kortisolaren funtzioak eta efektuak[aldatu | aldatu iturburu kodea]

  • gluzidoen metabolismoari eragiten dio, odolean dagoen glukosa-kopurua handituz
  • era berean, gantz azidoen odoleko kontzentrazioa ere handitzen du
  • hanturaren aurkako efektu nabarmena du, klinika mailan erabiltzen dena
  • kaltzioaren heste-xurgatzea eragozten du, hezurretako deskaltzifikazioa erraztuz

Hanturaren aurkako efektuak eta eragiten duen immunodepresioak kortisolaren erabilera terapeutikoa bultzatu dute, kortikosteroide sintetikoak agertuz (prednisona, budesonida, etab).


Kortisolaren odol-kontzentrazioa txikia da Addisonen gaixotasuna dagoenean, eta handia Cushingen sindromean.