Krixo

Wikipedia, Entziklopedia askea
Kriso» orritik birbideratua)
Krixo
Bizitza
JaiotzaGalia, K.a. 100(e)ko hamarkada
Herrialdeabaliorik ez
HeriotzaApuliaK.a. 72 (18/28 urte)
Heriotza modua: guduan hila
Familia
Aitaezezaguna
Amaezezaguna
Jarduerak
Jarduerakburuzagi militarra eta Gladiadorea
Zerbitzu militarra
Parte hartutako gatazkakThird Servile War (en) Itzuli
Battle of Mount Vesuvius (en) Itzuli
Battle of Mount Gargano (en) Itzuli

Krixo (K.a. 72an hila), Hirugarren Gerra Serbileko esklabo matxinadako buruzagietako bat izan zen, Espartako eta Enomaorekin batera.

Galiakoa zen (egungo Frantzia) eta esklabo izan zen zenbait urtez matxinadaren aurretik. Krixok, allobroges tribuarekin borrokatu zuen erromatarren aurka, eta harrapatua izan zen. Bere kideak bezala, Krixo, gladiatore bezala entrenatua izan zen Capuan. Zenbait kontratutan, bere gladiatore zeltarren enpresak, borrokatzeko modua aldatu zuen, esklabo armadak erakutsitako puntu ahulak erasoz.

Hasieran, esklabo armadak, Erromatar Senatuak matxinada zanpatzeko bidali zuena baino gehiago zela erakutsi zuen. Baina Kriso, Espartakogandik banatu zen urte amaiera aldera. Espartakok, Galiara eta Balkanetara ihes egin nahi zuen, baina Krisok, arpilaketan jarraitu nahi zuen, eta Italia hegoaldean geratu zen.

K.a. 72ko udaberrian, matxinada amaiarazteko bidalitako bi kontsuletako batek, Luzio Gelio Publikolak, Krisori eta germaniar eta zeltez osatutako honen armadari eraso zion, Apulian. Gargano mendian gertatu zen hurrengo guduan, Krisok, bere germaniar infanteria erabili zuen erromatarrak ahultzeko, bere zeltiar gladiatoreak bidali aurretik. Baina bere gerlari germaniarrak garaituak izan ziren, honek, Krixo, modu defentsiboan borrokatzera behartu zuelarik, garaitua izanez. Krixo hila izan zen, eta 20.000 soldaduko bere armada, erabat suntsitua.

Espartakok, Krixo gladiatore ohiaren oroitzapena ohoratu zuen lurperaketa joko batzuekin, joko hauetan, 300 gerra preso erromatar, heriotzaraino borrokatzera behartu zituelarik, gladiatore modura.