Kuia-hazien olio

Kuia-hazien olioa (ingelesez: Pumpkin seed oil, alemanez: Kernöl edo Kürbiskernöl, eslovenieraz: bučno olje), erabat heldua dagoen kuia barietate espezifikoko (Cucurbita pepo) hazietatik lortzen den olio jangarria da. Europar Batasunean olioa jatorri deitura batek babesten du.

Gaur egun, olio hau esportazioko produktu garrantzitsua da Austriar eta Esloveniar Estiriako eskualdeetan. Cucurbita pepo var. styriaca (var. oleifera bezala ere ezaguna) barietatearen hazi txigortuak zapaltzen egiten da. Olio honen lehenengo idatzizko aipamena 1697. urtekoa da.

Kolore berde ilunetik argirako olio biskosoa da, dikromatismoa dauka.^[1]

Erabilerak[aldatu | aldatu iturburu kodea]

Intxaur zapore bizia du eta gantz-azido poliinsaturatuetan aberatsa da. Entsaladarako saltsak eztiarekin eta oliba olioarekin eta beste batzuekin batera egiten dira.