Kultur ikasketak
Kultur ikasketak kultura garaikidea aztertzen duten diziplina arteko ikerketei deitzen zaie. Ikerketa hauek kultur praktikek boterearekiko duten harremana aztertzen dute Ideologia, gizarte klase, nortasun edo generoari erreparatuz. Ikerketetan hainbat hurbilpen metodologiko erabiltzen dira semiotikaren, marxismoaren, feminismoaren edo postestrukturalismoaren ikuspegietatik. Kultur ikasketen hasierako erreferentzia nagusiak Richard Hoggart, Raymond Williams, E. P. Thompson eta Stuart Hall dira. Stuart Hallek esango du Kultur ikasketetan mugarri handia 1964an Richard Hoggartek, Birminghamgo Unibertsitatean, Centre for Contemporary Cultural Studies (CCCS) sortu zuenekoa izan zela.[1] Kultur ikasketetan aritu ziren asko Ezker Berria (New Left) garatzen ari ziren aldi berean. Marxismo klasikoaren hainbat kategoria kritikatzen zituzten kulturari autonomia handiagoa onartuz, baita AEBtik zatorren eta nagusitzen ari zen kultur ereduariari ere aurre egin nahi zieten. Ildo horretan Gramsciren ekarpenak hartzen zituzten kontutan.[2] Kultur ikasketak Erresuma Batutik beste herrialdeetara hedatu ziren ondoren, baina, McKenzie Warken arabera, AEBen adibidez, bilakaera despolitizatua izan zuen.[3]
Erreferentziak
[aldatu | aldatu iturburu kodea]- ↑ Hall, Stuart (2025)[1983]: ”Kultur ikasketen formazioa”
- ↑ Galfarsoro, Imanol (2012): “(Post)marxismoa, kultura eta eragiletasuna: ibilbide historiko labur bat”
- ↑ Wark, McKenzie (2025)[2014]: ”GB Stuart Hall”
Bibliografia
[aldatu | aldatu iturburu kodea]- Atutxa, Ibai (2025): ”Hitzaurrea. Aurkakotasun irakurketak” in Stuart Hall: Kultura, aurkakotasuna eta boterea, Iruñea, Katakrak. ISBN 978-84-10316-07-2
- Galfarsoro, Imanol (2012): “(Post)marxismoa, kultura eta eragiletasuna: ibilbide historiko labur bat” in Alaitz Aizpuru (et al.): Euskal Herriko pentsamenduaren gida, Bilbo, UEU. ISBN 978-84-8438-435-9
- Lawrence Grossberg, Cary Nelson eta Paula A. Treichler (arg.) (1992): Cultural Studies, New York, Routledge
- Hall, Stuart (2025)[1977]: ”Oinarri eta superestruktura metafora birpentsatzen” in Stuart Hall: Kultura, aurkakotasuna eta boterea, Iruñea, Katakrak. ISBN 978-84-10316-07-2
- Hall, Stuart (2025)[1983]: ”Kultur ikasketen formazioa” in Stuart Hall: Kultura, aurkakotasuna eta boterea, Iruñea, Katakrak. ISBN 978-84-10316-07-2
- Hoggart, Richard (1957): The Uses of Literacy, Chatto and Windus. ISBN 0-7011-0763-4
- Thompson, E. P . (1963): The Making of the English Working Class, London, Victor Gollancz.
- Wark, McKenzie (2025)[2014]: ”GB Stuart Hall” in Stuart Hall: Kultura, aurkakotasuna eta boterea, Iruñea, Katakrak. ISBN 978-84-10316-07-2
- Williams, Raymond (1958): Culture and Society, Chatto and Windus.
- Williams, Raymond (1976): Keywords: A Vocabulary of Culture and Society, Croom Helm.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1143546
Multimedia: Cultural studies / Q1143546