Kung Fu (1972ko telesaila)

Kung Fu (1972ko telesaila)
Jatorria
Sortzailea(k)	Ed Spielman (en) , Jerry Thorpe (en) eta Herman Miller (en)
Izenburua	Kung Fu
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	3
Atalak	62
Ezaugarriak
Genero artistikoa	telebista drama eta ekintzako telesaila
Iraupena	48 minutu
Antzezlea(k)
	David Carradine (Kwai Chang Caine (en) )
Ekoizpena
Ekoizlea	Jerry Thorpe (en)
Emanaldia
Jatorrizko igorlea	American Broadcasting Company
Hasiera-data	1972ko urriaren 14a
Amaiera-data	1975

Artikulu hau 1972ko telesailari buruzkoa da; 2021ekoa gaitzat duena beste hau da: «Kung Fu (2021eko telesaila)»

Kung Fu 1970eko hamarkadako estatubatuar telesaila ospetsu bat izan zen, 1972ko urriaren 14tik 1975eko apirilaren 16ra ABC katean aireratua. Garai hartan, Bruce Leeren filmekin batera, Mendebalde osoan arte martzialak eta bereziki kung fu borroka estiloa ezagutarazi eta hedatzen eragin itzela izan zuen.

Gerora, hainbat jarraipen izan zituen, Kung Fu: The Movie (1986), Kung Fu: The Next Generation (1987) eta Kung Fu: The Legend Continues (1993-1997) baina horiek ez zuten jatorrizko telesailak lortutako adina arrakastarik izan.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

Telesailan, Kwai Chang Caine (David Carradine) shaolinak anaia Dannyrekin elkartzeko asmoz, AEBetako Mendebalde Urrunean bizi izandako abentura eta gorabeherak kontatzen dira. Noizbehinka, haurtzaroan, Txinako Shaolin tenpluan bere maisuekin (Po maisua: Keye Luke, eta Kan maisua: Philip Ahn) izandako ikasgaiak tartekatzen dira. Ibilbide horretan zehar topatzen duen jendea laguntzen du, baita ikusitako bidegabekerien aurka borrokatzen ere, betebehar horretan bere bizi filosofia eta arte martzial trebezia agertuz.