LIFO (kontabilitatea)
Kontabilitatean, LIFO, ingelesez Last In First Out esaldiaren siglak, inbentarioa egiterakoan izakinak baloratzeko metodo bat da. Izakinak prezio ezberdinetan erosita, azken izakinak (last, ingelesez) saltzen dira lehenbizi. Horrela, inflazio egoera batean kontabilizatzen den irabazia txikiagoa izango da, FIFO eta beste metodoekin alderatuta, eta geratzen diren izakinak hasierako prezioetan, prezio txikiagoetan alegia, baloratuko dira inbentarioan.
Adibide bat[aldatu | aldatu iturburu kodea]
Enpresa batek ekitaldiaren hasieran, urtarrilaren 1ean, dituen izakinen kopurua 100 unitatekoa da, 10 euro unitateko prezioan. Ondorengo egunetan, eragiketa hauek burutzen ditu:
- urtarrilaren 3an, 50 unitate erosten ditu 12 euro unitateko prezioan;
- urtarrilaren 5ean 100 unitate saltzen ditu 20 euro unitateko prezioan;
- urtarrilaren 7an 200 unitate erosten ditu 15 euro unitateko prezioan;
- urtarrilaren 9an 100 unitate saltzen ditu 20 euro unitateko prezioan.
Izakinen kontrol-orria Zenbakia Data Erosketak Salmentak Inbentarioa Unitateak Prezioa Guztira Unitateak Prezioa Guztira Unitateak Prezioa Guztira 01/01 100 10 1000 1 01/03 50 12 600 100 10 ↓ 50 12 1600 2 01/05 100 20 2000 50 10 500 3 01/07 200 15 3000 50 10 ↓ 200 15 3500 4 01/09 100 20 2000 50 10 ↓ 100 15 2000
LIFO metodoak salmenta bakoitzak duen irabazian ere badu eragina. Adibidez, urtarrilaren 9ko salmentak dakarren irabazia 2000-100×15=500 eurokoa da; FIFO (First In First Out) metodoa erabiliko balitz, salmentak dakarren irabazia 2000-50×12-50*15=650 eurokoa litzateke.