Nekazaritza ekologiko

Nekazaritza ekologikoko teknikekin landutako lur saila

Nekazaritza ekologikoa edo nekazaritza biologikoa (zenbaitetan, nekazaritza organikoa) nekazaritzako ustiategiak kudeatzeko sistema bat da, baliabide naturalak modurik egokienean erabiltzean oinarritzen dena, horretarako produktu kimiko sintetikoak edo genetikoki eraldatutako organismoak erabili gabe. Horrela lortutako elikagaiak ez dute lurra agortzen, natura zaintzen dute eta gisa-osasunerako ez dira berez kaltegarriak. Nekazaritza ekologikoa jasangarria eta orekatua da.

Helburuak

Nekazaritza mota honen helburu nagusiak hauexek dira:

• Elikagai osasuntsuagoak eta nutrizio aldetik kalitate handikoak eskuratzea.
• Produktu horiek eskuratzeko elementu kimiko sintetikoak ez erabiltzea.
• Agrosistemen osasuna gordetzea edota hobetzea.
• Sektoreko langileen bizimodua hobetzea.

Beraz, nekazaritza ekologikoak jasangarritasuna ikuspuntu guztietatik lortu nahi du. Azken helburua agrosistema sozial, ekologiko eta ekonomikoki iraunkorra lortzea da.

Nekazaritza ekologikoaren barruan nekazaritza mota asko kokatu daiteke: nekazaritza biodinamikoa, nekazaritza biologikoa, permakultura, familia-nekazaritza, herri-indigenen nekazaritza... Esperientzia desberdinak dira baina guztiek jasangarritasuna oinarritzat hartu dute ezen ekosistemen oreka eta jarraipena bilatu baitute.

Ikus, gainera

• Elikagai biologikoa
• Agroekologia
• Begetarianismoa
• Permakultura
• Ekologismoa
• Nekazaritza biodinamikoa
• Nekazaritza integratua

Kanpo estekak

• (Gaztelaniaz) Janaria gordinik jatekoaren aldeko mugimendua edo gordin jaleak.
• (Frantsesez) Europa Batasuneko nekazaritza ekologikoari buruzko orria.
• Produktu ekologikoen Eusko Jaurlaritzaren bilatzailea.

• Datuak: Q165647
• Multimedia: Organic farming / Q165647

Artikulu hau zirriborroa da. Wikipedia lagun dezakezu edukia osatuz.