Lacon punctatus
Lacon punctatus | |
---|---|
Sailkapen zientifikoa | |
Erreinua | Animalia |
Filuma | Arthropoda |
Klasea | Insecta |
Ordena | Coleoptera |
Familia | Elateridae |
Generoa | Lacon |
Espeziea | Lacon punctatus Herbst, 1779 |
Lacon punctatus Elateridae familiako kakalardo saproxilikoa da, zientziarako Herbstek 1779an deskribatu zuena.[1]
Deskribapena[aldatu | aldatu iturburu kodea]
12-21 mm arteko luzera du. Ikatz koloreko gorputza, puntutxo zilarkarez zipriztindua, ezkata beltzez eta zilar-kolorekoez estalirik baitago. Ezkata argiek ez dute marrazten ez orbanik, ez marrarik.[2]
Bizilekua[aldatu | aldatu iturburu kodea]
Zuhaitz koniferoen eta hostozabalen ustelduretan bizi da. Nafarroa Garaian pinudietan arruntagoa da.[2]
Elikadura[aldatu | aldatu iturburu kodea]
Larbak harrapariak dira, eta egur ustelean bizi diren beste intsektu batzuen larbez eta ninfez elikatzen dira (Stictoleptura rubra kakalardoaren larbez, batez ere).
Banaketa[aldatu | aldatu iturburu kodea]
Espezie mediterraneoa da, hegoaldeko Europan, iparraldeko Afrikan eta Asia Txikian hedaturik dagoena. Erdialdeko Europako baso termofilo batzuetan ere atzeman da. Banaketa-eremu zabala du Euskal Herrian ere, Bardeako pinudietatik Lapurdiko hariztietaraino.[2][3]
Kontserbazioa[aldatu | aldatu iturburu kodea]
IUCNren Zerrenda Gorrian arrisku txikiko espezietzat hartua da.[4]
Erreferentziak[aldatu | aldatu iturburu kodea]
- ↑ Lacon punctatus (Herbst, 1779). eu-nomen.eu (Noiz kontsultatua: 2019-11-7).
- ↑ a b c Recalde Irurzun, J. I.; San Martín, A. F.. Elatéridos Saproxílicos de Navarra (VI). Presencia de Lacon Lepidopterus (Panzer, 1801) en la Península Ibérica y aproximación a la corología del género Lacon en la comunidad foral de Navarra (Coleoptera: Elateridae). Boletín de la Sociedad Entomológica Aragonesa (S.E.A.), 49 (2011): 207‒210, researchgate.net (Noiz kontsultatua: 2019-11-7).
- ↑ GEREA. Forêts anciennes, landes et pelouses de Sare (Identifiant national : 720030020). inpn.mnhn.fr (Noiz kontsultatua: 2019-11-7).
- ↑ Méndez, M.; Dodelin, J.; Petrakis, P.; Schlaghamersky, J. eta Nardi, G.. Lacon punctatus. The IUCN Red List of Threatened Species 2010: e.T157586A5101160 (Noiz kontsultatua: 2019-11-7).