Lactarius circellatus
| Lactarius circellatus | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Russulales |
| Familia | Russulaceae |
| Generoa | Lactarius |
| Espeziea | Lactarius circellatus Fr., 1838 |
Lactarius circellatus Russulaceae familiako onddo bat da.[1] Ohikoa Euskal Herrian. Ez da jangarria, bere zapore garratza eta minagatik.
Deskribapena[aldatu | aldatu iturburu kodea]
Kapela: 5 eta 10 cm arteko diametrokoa, hondoratua erdigunean eta ertza uhindua eta kiribildua, azala lubrifikatua eguraldi hezearekin, gainerakoan matea, zonatua eta gris-horixka edo oliba-ardo kolorekoa.
Orriak: Estu, orritxoekin nahasiak, adnatak edo dekurrenteak, okretik kremara kolorekoak, eta laranja-herdoil kolorera pasatzen da zaurietan edo igurtzi den lekuetan.
Orri adnatak: Oinera Iritsi eta harekin bat egiten duten orriak.
Orri dekurrenteak: Hanka ukitzeaz gain, beherantz jarraitzen duten orriak.
Hanka: Labur samarra, 2,5 - 6 x 1 - 2,5 cm-koa, oinarrian mehetua. Kolore zurixkakoa hasieran, kapelaren kolore berekoa ondoren, okre koloreak hartzen ditu maspilduetan. Oineko kortex-a koloreztatutako kizkurrekin luzetara, batzuetan, fosetaren bat ikusten da.
Haragia: Zurixka eta hauskorra. Zapore garratza, usain ahula. Latex ugari, zuria, mingotsa eta ez da kolorez aldatzen.[2]
Etimologia: Lactarius terminoa "lac", "lactis", esnetik dator; esneari dagokio. Latex-a jariatzen dutelako ebakitzean edo haustean.
Jangarritasuna[aldatu | aldatu iturburu kodea]
Ez da jangarria.[3]
Nahasketa arriskua[aldatu | aldatu iturburu kodea]
Askotan egoten da Lactarius pyrogalus delakoaren ondoan, habitat bera du. Azken honek kapela marroi-grisetik okre kolorera doana du eta zonatu gabea, orri okre ilunagoak ditu, latex-a oso garratza eta lodia du eta airearekin kolore grisaxka hartuz gogortu egiten da.
Sasoia eta lekua[aldatu | aldatu iturburu kodea]
Udan eta udazkenean, xarma, zumar, lizar eta urritzen azpian.
Banaketa eremua[aldatu | aldatu iturburu kodea]
Europa, Japonia, Kanada eta Ameriketako Estatu Batuak.
Erreferentziak[aldatu | aldatu iturburu kodea]
- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Euskal Herriko perretxikoak.. ARANZADI Zientzia Elkarteko Mikologi Saila AURREZKI-KUTXA MUNIZIPALA, 589 or..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 89 or. ISBN 84-282-0865-4..
Kanpo estekak[aldatu | aldatu iturburu kodea]
Datuak: Q1497311
Multimedia: Lactarius circellatus / Q1497311
Espezieak: Lactarius circellatus